ಬಳ್ಳಾರಿ: ಜಿಲ್ಲೆಯಾದ್ಯಂತ ನಿನ್ನೆಯಿಂದ ವರುಣನ ಅರ್ಭಟ ಜೋರಾಗಿದೆ. ಬಿಟ್ಟುಬಿಡದೆ ಸುರಿದ ಮಳೆ ಸಾರ್ವಜನಿಕ ಸಂಚಾರಕ್ಕೂ ಅಡ್ಡಿಯನ್ನುಂಟು ಮಾಡಿದ್ದಲ್ಲದೇ, ಜನಜೀವನ ಸಹ ಅಸ್ತವ್ಯಸ್ತವಾಗಿದೆ. ನಿನ್ನೆ ಸಂಜೆಹೊತ್ತಿಗೆ ಆರಂಭವಾದ ಮಳೆಯು ಇಂದು ಬೆಳಗ್ಗೆಯೂ ಮುಂದುವರೆದಿದೆ.
ಟ್ರಾಫಿಕ್ ಜಾಮ್ ಕ್ಲಿಯರ್ ಮಾಡಿದ ಪಿಎಸ್ಐ: ಸುರಿದ ಭಾರೀ ಮಳೆಗೆ ಟ್ರಾಫಿಕ್ ಜಾಮ್ ಉಂಟಾಗಿದ್ದು, ಕುಡಿತಿನಿ ಪಿಎಸ್ಐ ಮಹಮ್ಮದ್ ರಫಿ ಅವರು ಸ್ವತಃ ತಾವೇ ರಸ್ತೆಗಿಳಿದು ಟ್ರಾಫಿಕ್ ಕ್ಲಿಯರ್ ಮಾಡಿದ್ದಾರೆ. ಸುಮಾರು ಎರಡು ಗಂಟೆಗಳ ಕಾಲ ಈ ಟ್ರಾಫಿಕ್ ಉಂಟಾಗಿರೋದನ್ನು ಸೂಕ್ಷ್ಮವಾಗಿ ಗಮನಿಸಿದ ಪಿಎಸ್ಐ ಮಹಮ್ಮದ್ ರಫಿ ಅವರು ರಸ್ತೆಗಿಳಿದು ಎರಡೂ ಬದಿಯಲ್ಲಿ ಸರಾಗವಾಗಿ ವಾಹನಗಳು ಸಂಚರಿಸಲು ಅನುವು ಮಾಡಿಕೊಡಿಕೊಟ್ಟಿದ್ದಾರೆ.