ವಿರೂಪಾಕ್ಷೇಶ್ವರ ಸನ್ನಿಧಿಯಲ್ಲಿ ವಿಜಯನಗರ ಜಿಲ್ಲೆಯ ರಾಜ್ಯಪತ್ರಕ್ಕೆ ಪೂಜೆ ಸಲ್ಲಿಸಿದ ಸಚಿವ ಆನಂದ್‌ ಸಿಂಗ್

ಜಿಲ್ಲೆ ವಿಭಜನೆಯಿಂದ ತೊಂದರೆಯಾಗುವುದಿಲ್ಲ. ವಿರೋಧ ಮಾಡಿದವರು ನಮ್ಮ ಅಣ್ಣ-ತಮ್ಮಂದಿರು. ಗಡಿ ವಿಚಾರಕ್ಕೆ ಬಂದ್ರೆ ನಾವೆಲ್ಲಾ ಒಂದೇ.. ಬಳ್ಳಾರಿಗೆ ಬಂದು ಬೇರೆಯವರು ಈ ಜಿಲ್ಲೆ ಕೊಡಿ ಅಂದ್ರೆ ಬಿಡ್ತೀವಾ..

ಹೊಸಪೇಟೆ :ವಿಜಯನಗರ ಜಿಲ್ಲೆ ಘೋಷಣೆಯಾಗಿರುವುದು ಖುಷಿಯ ಸಂಗತಿ. ಹಾಗಾಗಿ, ವಿಜಯನಗರ ನೆಲಕ್ಕೆ ತಲೆಕೊಟ್ಟು ನಮಸ್ಕಾರ ಮಾಡಿದ್ದೇನೆ ಎಂದು ಹಜ್ ಮತ್ತು ವಕ್ಫ್ ಹಾಗೂ ಬಳ್ಳಾರಿ ಜಿಲ್ಲಾ ಉಸ್ತುವಾರಿ ಸಚಿವ ಆನಂದ್​ ಸಿಂಗ್ ಹೇಳಿದ್ದಾರೆ.

ನಗರದ ತಾಲೂಕು ಕ್ರೀಡಾಂಗಣದಲ್ಲಿ ಅವರು ಸುದ್ದಿಗಾರೊಂದಿಗೆ ಮಾತನಾಡಿದ ಅವರು, ಸಿಎಂ ಯಡಿಯೂರಪ್ಪ, ಕಂದಾಯ ಸಚಿವ ಆರ್. ಅಶೋಕ್​ ಸೇರಿದಂತೆ ಎಲ್ಲರಿಗೂ ಧನ್ಯವಾದಗಳು. ಪಶ್ಚಿಮ ತಾಲೂಕುಗಳ ಜನರ ಬೇಡಿಕೆ ಈಡೇರಿದೆ ಎಂದರು.

ಜಿಲ್ಲೆ ಅಭಿವೃದ್ಧಿ ಆಗಲಿದೆ. ಜಿಲ್ಲೆ ವಿಭಜನೆಯಿಂದ ತೊಂದರೆಯಾಗುವುದಿಲ್ಲ. ವಿರೋಧ ಮಾಡಿದವರು ನಮ್ಮ ಅಣ್ಣ-ತಮ್ಮಂದಿರು. ಗಡಿ ವಿಚಾರಕ್ಕೆ ಬಂದ್ರೆ ನಾವೆಲ್ಲಾ ಒಂದೇ.. ಬಳ್ಳಾರಿಗೆ ಬಂದು ಬೇರೆಯವರು ಈ ಜಿಲ್ಲೆ ಕೊಡಿ ಅಂದ್ರೆ ಬಿಡ್ತೀವಾ ಎಂದರು.