ನಾವು ಕೆಲಸ ಮಾಡಿ ತೋರಿಸ್ತೇವಿ ನಮಗೂ ಒಂದು ಚಾನ್ಸ್​ ಕೊಡಿ.... ಹೀಗೆ ಹೇಳಿದ ಪಕ್ಷ ಯಾವುದು?

ಸರ್ಕಾರದ ಕಡೆಯಿಂದ ತುಂಗಭದ್ರಾ ಜಲಾಶಯದ ಹೂಳೆತ್ತುವ ಕೆಲಸ ಮಾಡುತ್ತೇವೆ. ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ಪೂರ್ಣಗೊಳಿಸಿ ಸಾರ್ವಜನಿಕ ಸೇವೆಗೆ ಚಾಲನೆ ನೀಡುತ್ತೇವೆ. ಗಣಿ ಪ್ರದೇಶದಲ್ಲಿನ ಹಳ್ಳಿಗಳಿಗೆ ಮೂಲಭೂತ ಸೌಲಭ್ಯಗಳನ್ನು ಒದಗಿಸುತ್ತೇವೆ. ವೈಜ್ಞಾನಿಕ ಕೃಷಿ ನೀರಾವರಿ ಯೋಜನೆಗಳನ್ನು ಅನುಷ್ಠಾನಕ್ಕೆ ತರಲು ಒತ್ತು ನೀಡುತ್ತೇವೆ  ಎಂದು ಬಿಎಸ್​​​ಪಿ ರಾಜ್ಯದ ಜನರ ಮುಂದೆ ಭರವಸೆ ನೀಡಿದೆ.

ಬಳ್ಳಾರಿ: ಜಿಲ್ಲೆಯಲ್ಲಿ ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ, ಕುಡಿವ ನೀರಿನ ವ್ಯವಸ್ಥೆ, ಕೆರೆಗಳನ್ನು ಜೀರ್ಣೋದ್ಧಾರ ಮಾಡಿ ನೀರು ತುಂಬಿಸುವ ಮತ್ತು ಇನ್ನಿತರ ಕೆಲಸ ಮಾಡುತ್ತೇವೆ. ಆದ್ದರಿಂದ ಬಹುಜನ ಸಮಾಜ ಪಾರ್ಟಿಗೆ ಒಂದು ಅವಕಾಶ ಕೊಡಿ ಎಂದು ಬಿಎಸ್​ಪಿ ಪಕ್ಷದ ರಾಜ್ಯ ಕಾರ್ಯದರ್ಶಿ ಬಸವರಾಜ್ ಹೇಳಿದರು.

ನಗರದ ಬಾಲಾ ಹೋಟೆಲ್​ನಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿ, ಬಳ್ಳಾರಿಯ ನಗರದಲ್ಲಿ ಕುಡಿವ ನೀರು 10 ರಿಂದ 12 ದಿನಗಳಿಗೊಮ್ಮೆ ಬರುತ್ತೆ, ನಗರದ ಜನರಿಗೆ ನೀರು ಕೊಡುವ ಬದಲು, ಹೆಚ್ಚಾಗಿ ಜಿಂದಾಲ್ ಕೈಗಾರಿಕೆಗೆ ನೀಡುತ್ತಾರೆ ಎಂದು ದೂರಿದರು.

ಬಿಎಸ್​ಪಿ ಭರವಸೆ :

ಸರ್ಕಾರದ ಕಡೆಯಿಂದ ತುಂಗಭದ್ರಾ ಜಲಾಶಯದ ಹೂಳೆತ್ತುವ ಕೆಲಸ ಮಾಡುತ್ತೇವೆ. ಸೂಪರ್ ಸ್ಪೆಷಾಲಿಟಿ ಆಸ್ಪತ್ರೆ ಪೂರ್ಣಗೊಳಿಸಿ ಸಾರ್ವಜನಿಕ ಸೇವೆಗೆ ಚಾಲನೆ ನೀಡುತ್ತೇವೆ. ಗಣಿ ಪ್ರದೇಶದಲ್ಲಿನ ಹಳ್ಳಿಗಳಿಗೆ ಮೂಲಭೂತ ಸೌಲಭ್ಯಗಳನ್ನು ಒದಗಿಸುತ್ತೇವೆ. ವೈಜ್ಞಾನಿಕ ಕೃಷಿ ನೀರಾವರಿ ಯೋಜನೆಗಳನ್ನು ಅನುಷ್ಠಾನಕ್ಕೆ ತರಲು ಒತ್ತು ನೀಡುತ್ತೇವೆ ಎಂದರು.