'ಸುಂದರ್​ ಭಾರತ್': ಜೆಎಸ್​ಡಬ್ಲ್ಯೂ ಪೇಂಟ್ಸ್​​​​​​​​ನಿಂದ ಒಲಿಂಪಿಕ್ ಕ್ರೀಡಾಪಟುಗಳ ಮನೆಗಳಿಗೆ ಉಚಿತ ಪೇಂಟಿಂಗ್

ಒಲಿಂಪಿಕ್​ನಲ್ಲಿ ಭಾರತವನ್ನು ಪ್ರತಿನಿಧಿಸಿದ ಎಲ್ಲ ಕ್ರೀಡಾಪಟುಗಳ ಮನೆಗಳಿಗೆ ಉಚಿತವಾಗಿ ಪೇಂಟಿಂಗ್ ಮಾಡುವ ಉದ್ದೇಶದಿಂದ 'ಸುಂದರ್ ಭಾರತ್' ಕಾರ್ಯಕ್ರಮಕ್ಕೆ ಜೆಎಸ್​ಡಬ್ಲ್ಯೂ ಪೇಂಟ್ಸ್ ಚಾಲನೆ ನೀಡಿದೆ. ಕಂಪನಿಯು ಭಾರತೀಯ ಒಲಿಂಪಿಕ್ ಅಥ್ಲೀಟ್​ಗಳು ಅಥವಾ ಅವರ ಸಂಬಂಧಿಕರಿಗೆ 1808 ನೀರು ಆಧಾರಿತ ಬಣ್ಣಗಳನ್ನು ಬಳಸಿ ಪೇಂಟ್ ಮಾಡಲಿದೆ.

ಬಳ್ಳಾರಿ: ಒಲಿಂಪಿಕ್​ನಲ್ಲಿ ಭಾರತವನ್ನು ಪ್ರತಿನಿಧಿಸಿದ ಎಲ್ಲ ಕ್ರೀಡಾಪಟುಗಳ ಮನೆಗಳಿಗೆ ಉಚಿತವಾಗಿ ಪೇಂಟಿಂಗ್ ಮಾಡುವ ಉದ್ದೇಶದಿಂದ ʼಸುಂದರ್ ಭಾರತ್ʼ ಕಾರ್ಯಕ್ರಮಕ್ಕೆ ಜೆಎಸ್​ಡಬ್ಲ್ಯೂ ಪೇಂಟ್ಸ್ ಚಾಲನೆ ನೀಡಿದೆ.

1947 ರಿಂದ ಭಾರತವನ್ನು ಒಲಿಂಪಿಕ್​ನಲ್ಲಿ ಪ್ರತಿನಿಧಿಸಿದ ಎಲ್ಲ ಕ್ರಿಡಾಪಟುಗಳ ಮನೆಗಳಿಗೆ ಜೆಎಸ್​ಡಬ್ಲ್ಯೂ ಪೇಂಟ್ಸ್ ಸಂಸ್ಥೆ ಉಚಿತವಾಗಿ ಪೇಂಟಿಂಗ್ ಮಾಡಲಿದೆ. ಜೆಎಸ್​ಡಬ್ಲ್ಯೂ ಪೇಂಟ್ಸ್ ಸಂಸ್ಥೆಯು ಪರಿಸರ ಸ್ನೇಹಿ ಪೇಂಟ್ಸ್ ಉತ್ಪಾದಕ ಸಂಸ್ಥೆ ಹಾಗೂ 13 ಶತಕೋಟಿ ಯುಎಸ್ ಡಾಲರ್ ಮೌಲ್ಯವನ್ನು ಹೊಂದಿದ್ದು, ಜೆಎಸ್​ಡಬ್ಲ್ಯೂ ಗ್ರೂಪ್‌ನ ಅಂಗ ಸಂಸ್ಥೆಯಾಗಿದೆ.

ಕಂಪನಿಯು ಭಾರತೀಯ ಒಲಿಂಪಿಕ್ ಅಥ್ಲೀಟ್​ಗಳು ಅಥವಾ ಅವರ ಸಂಬಂಧಿಕರಿಗೆ 1808 ನೀರು ಆಧಾರಿತ ಬಣ್ಣಗಳನ್ನು ಬಳಸಿ ಪೇಂಟ್ ಮಾಡಲಿದೆ. ಈ ಕೊಡುಗೆ ಪಡೆಯಲು ಅರ್ಹ ಕ್ರೀಡಾಪಟು ಜೆಎಸ್​ಡಬ್ಲ್ಯೂ ಪೇಂಟ್ಸ್ ಗ್ರಾಹಕ ಸೇವಾ ಕೇಂದ್ರ ಸಂಖ್ಯೆ 1800-121-5797 ಗೆ ಕರೆ ಮಾಡಬಹುದಾಗಿದೆ.

"ಒಲಿಂಪಿಕ್​ನಲ್ಲಿ ಭಾರತವನ್ನು ಪ್ರತಿನಿಧಿಸಿದವರ ಮನೆಗಳಿಗೆ ಬಣ್ಣ ಬಳಿಯುವುದು ಜೆಎಸ್​ಡಬ್ಲ್ಯೂ ಪೇಂಟ್ಸ್​ಗೆ ಗೌರವವಾಗಿದೆ" ಎಂದು ಜೆಎಸ್​ಡಬ್ಲ್ಯೂ ಪೇಂಟ್ಸ್ ವ್ಯವಸ್ಥಾಪಕ ನಿರ್ದೇಶಕರಾದ ಪಾರ್ಥ್ ಜಿಂದಾಲ್ ಹೇಳಿದರು.