ಹೊಸಪೇಟೆ: ಪಶ್ಚಿಮಘಟ್ಟ ಮತ್ತು ದಟ್ಟ ಅರಣ್ಯಗಳಲ್ಲಿ ಕಾಣಸಿಗುವ ಅಡವಿ ಸಿಪಿಲೆ ಪಕ್ಷಿಯೊಂದು ಹಂಪಿ ಕನ್ನಡ ವಿಶ್ವವಿದ್ಯಾಲಯದಲ್ಲಿ ಪತ್ತೆಯಾಗಿದೆ. ಕಮಲಾಪುರದ ಪಕ್ಷಿವೀಕ್ಷಕ ಜಿ.ಎ.ಶಬರೀಶ ಅವರ ಕ್ಯಾಮೆರಾ ಕಣ್ಣಲ್ಲಿ ಈ ಫೋಟೋ ಸೆರೆಯಾಗಿದೆ.
ಹಂಪಿ ಕನ್ನಡ ವಿವಿಯಲ್ಲಿ ‘ಅಡವಿ ಸಿಪಿಲೆ’ ಹಾರುತಿದೆ ನೋಡಿದಿರಾ? - ಅಡವಿ ಸಿಪಿಲೆ ಪಕ್ಷಿ ಸುದ್ದಿ
ಪಶ್ಚಿಮಘಟ್ಟ ಮತ್ತು ದಟ್ಟಾರಣ್ಯಗಳಲ್ಲಿ ಕಾಣಸಿಗುವ ಅಡವಿ ಸಿಪಿಲೆ ಎಂಬ ಪಕ್ಷಿಯೊಂದು ಹಂಪಿ ಕನ್ನಡ ವಿಶ್ವವಿದ್ಯಾಲಯದಲ್ಲಿ ಪತ್ತೆಯಾಗಿದೆ.
ಹಂಪಿ ಕನ್ನಡ ವಿಶ್ವವಿದ್ಯಾಲಯದಲ್ಲಿ ‘ಅಡವಿ ಸಿಪಿಲೆ’ ಕಲರವ
ಈ ಭಾಗದಲ್ಲಿ ಅಡವಿ ಸಿಪಿಲೆ ಕಂಡುಬಂದಿರುವುದು ಇದೇ ಮೊದಲ ಬಾರಿ ಎಂದು ಹೇಳಲಾಗ್ತಿದೆ. ಸಿಪಿಲೆ ಪ್ರಭೇದಗಳಲ್ಲೇ ಈ ಅಡವಿ ಸಿಪಿಲೆ (ಕುಂಡೆಕುಸ್ಕ) ಪಕ್ಷಿಯ ರೆಕ್ಕೆ ವಿಶಿಷ್ಟ ಸಂರಚನೆಯಿಂದ ಕೂಡಿದೆ.
ಮರಗಳಲ್ಲಿ ಗೂಡುಕಟ್ಟುವ ಇದು ದಟ್ಟ ಕಾನನಗಳಲ್ಲಿ ಕಾಣಸಿಗುತ್ತಿದ್ದು, ಬಯಲಸೀಮೆಯ ಈ ಪ್ರದೇಶದಲ್ಲಿ ಕಂಡುಬಂದಿರುವುದು ಅಚ್ಚರಿ ಮೂಡಿಸಿದೆ ಎಂದು ಪಕ್ಷಿವೀಕ್ಷಕ ಮತ್ತು ಉರಗಪ್ರೇಮಿ ಪಂಪಯ್ಯಸ್ವಾಮಿ ಮಳೆಮಠ ತಿಳಿಸಿದ್ದಾರೆ.