ಬಳ್ಳಾರಿ: ನಗರದ ಜಿಲ್ಲಾ ಪೊಲೀಸ್ ಮೈದಾನದಲ್ಲಿ ತಾತ್ಕಾಲಿಕ ಪೊಲೀಸ್ ತರಬೇತಿ ಶಾಲೆ ಬಳ್ಳಾರಿ 15ನೇ ತಂಡದ ನಾಗರಿಕ ಮಹಿಳಾ ಪೊಲೀಸ್ ಪ್ರಶಿಕ್ಷಣಾರ್ಥಿಗಳ ನಿರ್ಗಮನ ಪಥಸಂಚಲನ ಕಾರ್ಯಕ್ರಮ ನಡೆಯಿತು.
ಕಾರ್ಯಕ್ರಮದಲ್ಲಿ ಭಾಗಿಯಾಗಿ ಮಾತನಾಡಿದ ಐಜಿಪಿ ಎಂ.ನಂಜುಂಡಸ್ವಾಮಿ, ಮಹಿಳಾ ಕಾನ್ಸ್ಟೇಬಲ್ಗಳು ನಿಮ್ಮ ಜಿಲ್ಲೆಗಳ ಠಾಣೆಗಳಿಗೆ ನೇಮಕವಾದ ನಂತರ ನಿಮ್ಮ ಮೇಲಿನ ಅಧಿಕಾರಿಗಳಿಗೆ ಡೆಸ್ಕ್ ಕೆಲಸ ಕೊಡಿ, ಕಂಪ್ಯೂಟರ್ ಕೆಲಸ ಕೊಡಿ ಎಂದು ಕೇಳಬೇಡಿ. ಯಾವುದೇ ಕೆಲಸ ಕೊಟ್ಟರೂ ಕರ್ತವ್ಯ ನಿರ್ವಹಿಸಿ ಎಂದು ಕಿವಿಮಾತು ಹೇಳಿದರು.
ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಬಿ.ಎನ್.ಲಾವಣ್ಯ ಮಾತನಾಡಿ, ಈ 15ನೇ ತಂಡದ ನಾಗರಿಕ ಮಹಿಳಾ ಪೊಲೀಸ್ ಪ್ರಶಿಕ್ಷಣಾರ್ಥಿಗಳಿಗೆ ಕಳೆದ ಎಂಟು ತಿಂಗಳಗಳಿಂದ ಜಿಲ್ಲಾ ಪೊಲೀಸ್ ಮೈದಾನದಲ್ಲಿ ದೈಹಿಕ ಮತ್ತು ಆಂತರಿಕ, ಸೈಬರ್ ಕ್ರೈಮ್, ಟ್ರಾಫಿಕ್, ನ್ಯಾಯಾಲಯ, ಜಿಲ್ಲಾ ಆಸ್ಪತ್ರೆ, ಕರಾಟೆ ಸೇರಿದಂತೆ ಇನ್ನಿತರೆ ತರಬೇತಿ ನೀಡಲಾಗಿದೆ ಎಂದರು.
ಇವರಲ್ಲಿ 8 ಸ್ನಾತಕೋತ್ತರ ಪದವಿ, 44 ಪದವಿ, 6 ಪಿಯುಸಿ ಸರ್ಟಿಫಿಕೇಟ್ ಪಡೆದಿರುವ ಮಹಿಳಾ ಪೊಲೀಸರು ತರಬೇತಿ ಪಡೆದಿದ್ದಾರೆ. 58 ಪ್ರಶಿಕ್ಷಣಾರ್ಥಿಗಳು ಪಥಸಂಚಲನ ಮಾಡುವ ಮೂಲಕ ಐಜಿಪಿ ಎಂ.ನಂಜುಂಡಸ್ವಾಮಿ ಅವರಿಗೆ ಗೌರವ ಸಲ್ಲಿಸಿದರು.
ಒಳಾಂಗಣ ಪರೀಕ್ಷೆಯಲ್ಲಿ ಗೆದ್ದವರು:
ಪ್ರಥಮ ಸಾವಿತ್ರಿ, ದ್ವಿತೀಯ ಶಿವಲೀಲಾ ಬಿರಾದಾರ, ತೃತೀಯ ಸಾಂವಕ್ಕಾ ಗದಾಡಿ
ಹೊರಾಂಗಣ ವಿಷಯ ಪರೀಕ್ಷೆ:
ಪ್ರಥಮ ರೋಜಾ, ದ್ವಿತೀಯ ಸುಮಾ ಕೆ., ತೃತೀಯ ಅಕ್ಷತಾ ಬಾಡದವರ
ಹೊರಾಂಗಣ ವಿಷಯದ ಬಂದೂಕು ಗುರಿ ಅಭ್ಯಾಸ:
ಪ್ರಥಮ ಸುಮಾ ಕೆ., ದ್ವಿತೀಯ ಪೂಜಾ ಮಂಡಲ್, ತೃತೀಯ ಬಿಂದುಶ್ರೀ