ಈಟಿವಿ ಭಾರತ ವರದಿಗೆ ಸ್ಪಂದನೆ: ಬ್ಯಾಂಕ್​ಗಳಿಗೆ ಆದೇಶ ಹೊರಡಿಸಿದ ಕುರುಗೋಡು ತಹಶೀಲ್ದಾರ್​

ಬಳ್ಳಾರಿಯ ಕುರುಗೋಡುವಿನ ಬ್ಯಾಂಕ್​ಗಳಲ್ಲಿ ಲಾಕ್ ಡೌ್ನ್ ಆದೇಶವನ್ನು ಗಾಳಿಗೆ ತೂರಿರುವ ಬಗ್ಗೆ ಈಟಿವಿ ಭಾರತ ವರದಿಯನ್ನು ಪ್ರಕಟಿಸಿತ್ತು. ಇದಕ್ಕೆ ಸ್ಪಂದಿಸಿದ ತಹಶೀಲ್ದಾರ್​ ಬ್ಯಾಂಕ್​ಗಳಿಗೆ ಆದೇಶ ಹೊಡಿಸಿದ್ದಾರೆ.

ಬಳ್ಳಾರಿ: ಜಿಲ್ಲೆಯ ಕುರುಗೋಡುವಿನಲ್ಲಿ ಸಾಮಾಜಿಕ ಅಂತರ ಕಾಯ್ದುಕೊಳ್ಳದೆ ಎಟಿಎಂನಿಂದ ಹಣ ಡ್ರಾ ಮಾಡುತ್ತಿರುವ ಬಗ್ಗೆ ಈಟಿವಿ ಭಾರತ ಪ್ರಕಟಿಸಿದ್ದ ವರದಿಗೆ ತಹಶೀಲ್ದಾರ್​ ಸ್ಪಂದಿಸಿದ್ದಾರೆ.

ಪಿಂಚಣಿ ಸೇರಿದಂತೆ ಸರ್ಕಾರದ ವಿವಿಧ ಯೋಜನೆಗಳ ಹಣ ಪಡೆದುಕೊಳ್ಳಲು ಜನ ಯಾವುದೇ ಸಾಮಾಜಿಕ ಅಂತರ ಕಾಯ್ದುಕೊಳ್ಳದೆ ಎಟಿಎಂ ಮುಂದೆ ಗುಂಪಾಗಿ ಸೇರಿದ್ದರು. ಈ ಬಗ್ಗೆ " ಲಾಕ್ ಡೌನ್ ಗೆ ಕ್ಯಾರೆ ಎನ್ನದ ಕುರುಗೋಡು ಜನ.‌." ಎಂಬ ಶೀರ್ಷಿಕೆಯಡಿ ಈಟಿವಿ ಭಾರತ ವರದಿ ಪ್ರಕಟಿಸಿತ್ತು. ಇದನ್ನು ಗಮನಿಸಿದ ಕುರುಗೋಡು ತಹಶೀಲ್ದಾರ್​, ಆದೇಶ ಹೊರಡಿಸಿ ಆ ಪ್ರತಿಯನ್ನು ಈಟಿವಿ ಭಾರತದ ಬಳ್ಳಾರಿ ಪ್ರತಿನಿಧಿಗೆ ಕಳಿಸಿದ್ದಾರೆ.

ತಹಶೀಲ್ದಾರ್ ಆದೇಶ ಪ್ರತಿ

ಬ್ಯಾಂಕ್​​ಗಳಲ್ಲಿ ಗ್ರಾಹಕರು ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದು, ಕಂಪ್ಯೂಟರ್​ಗಳನ್ನು ಸ್ಯಾನಿಟೈಸರ್​ನಿಂದ ಸ್ವಚ್ಚಗೊಳಿಸುವುದು ಸೇರಿದಂತೆ ಮುಂಜಾಗೃತ ಕ್ರಮಗಳಕೈಗೊಳ್ಳುವಂತೆ ಆದೇಶದಲ್ಲಿ ತಿಳಿಸಲಾಗಿದೆ.