ಬಳ್ಳಾರಿ:ಗಣಿನಾಡು ಬಳ್ಳಾರಿ ಜಿಲ್ಲೆಯಲ್ಲಿ ಹೆಚ್ಐವಿ ಸೋಂಕಿತ ಪ್ರಕರಣಗಳು ಗಣನೀಯ ಪ್ರಮಾಣದಲ್ಲಿ ಕಡಿಮೆಯಾಗಿದ್ದು, ಶೇ 0.25ರಷ್ಟು ಇಳಿಕೆಯಾಗಿದೆ.
ಈ ಹಿಂದಿನ ಅಂಕಿ ಸಂಖ್ಯೆಗೂ ಈಗಿನ ಅಂಕಿ ಸಂಖ್ಯೆಗಳಿಗೆ ಹೋಲಿಕೆ ಮಾಡಿ ನೋಡಿದಾಗ ಈ ಬಾರಿ ಗಣನೀಯ ಪ್ರಮಾಣದಲ್ಲಿ ಹೆಚ್ಐವಿ ಸೋಂಕಿತ ಪ್ರಕರಣಗಳು ತಗ್ಗಿದೆ ಎಂಬ ಮಾಹಿತಿಯನ್ನು ಡಿಎಪಿಸಿಯು(ಏಡ್ಸ್ ತಡೆ ಮತ್ತು ನಿಯಂತ್ರಣ ಸಂಸ್ಥೆ) ವಿಭಾಗವು ಬಹಿರಂಗಪಡಿಸಿದೆ.
ಜಿಲ್ಲೆಯಲ್ಲಿ ತಗ್ಗಿತು ಹೆಚ್ಐವಿ ಪ್ರಕರಣಗಳು 2002 ರಿಂದ ಅಕ್ಟೋಬರ್ 2019ರವರೆಗೆ ಅಂದಾಜು 14,59,203 ಮಂದಿಯನ್ನು ಹೆಚ್ಐವಿ ಪರೀಕ್ಷೆಗೆ ಒಳಪಡಿಸಲಾಗಿದೆ. ಅಂದಾಜು 26,400 ಮಂದಿ ಹೆಚ್ಐವಿ ಸೋಂಕಿತರೆಂದು ಗುರುತಿಸಲಾಗಿದ್ದು, ಸುಮಾರು 8,288 ಮಂದಿಗೆ ಎಆರ್ಟಿ ಚಿಕಿತ್ಸೆಯನ್ನು ನೀಡಲಾಗುತ್ತಿದೆ.
ಈವರೆಗೆ 5306 ಮಂದಿ ಹೆಚ್ಐವಿ ಸೋಂಕಿತ ಕಾಯಿಲೆಯಿಂದ ಜಿಲ್ಲೆಯಲ್ಲಿ ಮರಣ ಹೊಂದಿದ್ದಾರೆ. ಹಾಗು 49 ತೃತೀಯ ಲಿಂಗಿಗಳು ಹಾಗೂ 609 ಮಕ್ಕಳು ಎಆರ್ಟಿ ಚಿಕಿತ್ಸೆ ಪಡೆದುಕೊಳ್ಳುತ್ತಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
