ಬಳ್ಳಾರಿ ರೈಲು ನಿಲ್ದಾಣದಲ್ಲಿ ಅಪರಾಧ ತಡೆ ಮಾಸಾಚರಣೆ

ರೈಲ್ವೇ ಪಿಎಸ್ಐ ತಾರಾ ಅವರು ರೈಲು ಪ್ರಯಾಣಿಕರಿಗೆ ಕರಪತ್ರ ಹಂಚಿಕೆ ಮಾಡುವ ಮೂಲಕ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವಂತ ಕಾರ್ಯ ನಿರ್ವಹಿಸಿದ್ದಾರೆ.

ಬಳ್ಳಾರಿ:ಗಣಿನಗರಿ ಬಳ್ಳಾರಿಯ ರೈಲು ನಿಲ್ದಾಣದಲ್ಲಿ ಅಪರಾಧ ತಡೆ ಮಾಸಾಚರಣೆ ದಿನವನ್ನು ಆಚರಿಸಲಾಯಿತು. ಬಳ್ಳಾರಿ ರೈಲ್ವೇ ಪೊಲೀಸ್ ಠಾಣೆಯ ಪಿಎಸ್​ಐ ತಾರಾ ಅವರು ಈ ವಿಶೇಷ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದ್ರು.

ಬಳಿಕ, ಪ್ಯಾಸೆಂಜರ್ ರೈಲು ಪ್ರಯಾಣಿಕರ ಬಳಿ ತೆರಳಿದ ತಾರಾಬಾಯಿ, ಕರಪತ್ರ ಹಂಚುವ ಮುಖೇನ ರೈಲುಗಾಡಿ ಅಥವಾ ರೈಲು ನಿಲ್ದಾಣದಲ್ಲಿನ ಅಪರಾಧ ತಡೆಗಟ್ಟುವ ವಿಧಾನದ ಕುರಿತು ಜಾಗೃತಿ ಮೂಡಿಸಿದ್ರು. ಆ ಮೂಲಕ ರೈಲುಗಾಡಿ ಪ್ರಯಾಣಿಕರ ವಿಶೇಷ ಗಮನ ಸೆಳೆದ್ರು.

ಅಪರಿಚಿತರು ನೀಡಿರೊ ತಿಂಡಿ- ತಿನಿಸು ಹಾಗೂ ಪ್ರಯಾಣಿಕರನ್ನ ಯಾಮಾರಿಸೊರಿಂದ ಎಚ್ಚರಿಕೆ ವಹಿಸಬೇಕು. ರೈಲು ಪ್ರಯಾಣಿಸುತ್ತಿರುವಾಗ ತಮ್ಮ ಲಗೇಜ್​ಗಳ ಮೇಲೆ ನಿಗಾವಹಿಸ ಬೇಕು. ಚಿನ್ನಾಭರಣ ಹಾಗೂ ಮಾಂಗಲ್ಯ ಸರದ ಮೇಲೆ ಪ್ರಯಾಣಿಕರು ಅತಿಯಾದ ನಿಗಾ ಇರಿಸಿಕೊಳ್ಳಬೇಕು.‌ ತಮ್ಮ ಸಾಮಾಗ್ರಿಗಳು ಕಳುವಾದ ಕುರಿತು ಕೂಡಲೇ ಟಿಟಿ ಅವರ ಗಮನಕ್ಕೆ ತರಬೇಕೆಂದು ರೈಲ್ವೇ ಪಿಎಸ್​ಐ ತಾರಾ ಕೋರಿದ್ದಾರೆ.