ಆ್ಯಂಬುಲೆನ್ಸ್​​ನಲ್ಲೇ ಮಗುವಿಗೆ ಜನ್ಮ ನೀಡಿದ ಯರದಮನಹಳ್ಳಿಯ ಗರ್ಭಿಣಿ

ಹೆರಿಗೆ ನೋವಿನ ಕಾರಣ ಗರ್ಭಿಣಿ ರಾಜಮ್ಮಳನ್ನು ಚೋರನೂರು ಆರೋಗ್ಯ ಕೇಂದ್ರಕ್ಕೆ ಕರೆದುಕೊಂಡು ಹೋಗಲಾಗುತ್ತಿತ್ತು. ಆದರೆ ಬೊಮ್ಮಘಟ್ಟ ಶ್ರೀಹುಲಿಕುಂಟೇಶ್ವರ ದೇವಸ್ಥಾನದ ಹತ್ತಿರದ ಕೆರೆ ಏರಿಯ ಮೇಲೆ 108 ಆ್ಯಂಬುಲೆನ್ಸ್​​ ಚಲಿಸುವಾಗ ವಾಹನದಲ್ಲಿಯೇ ಸುಲಭ ಹೆರಿಗೆಯಾಗಿದ್ದು, ಆಕೆ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ.

ಬಳ್ಳಾರಿ: ಜಿಲ್ಲೆಯ ಸಂಡೂರು ತಾಲೂಕಿನ ಯರದಮನಹಳ್ಳಿ ಗ್ರಾಮದ ಗರ್ಭಿಣಿ ರಾಜಮ್ಮ ಎಂಬುವರು ನಿನ್ನೆ ರಾತ್ರಿ 108 ಆ್ಯಂಬುಲೆನ್ಸ್​​ನಲ್ಲಿಯೇ ಹೆಣ್ಣು ಮಗುವಿಗೆ ಜನ್ಮ ನೀಡಿದ್ದಾರೆ.

ಯರದಮ್ಮನಹಳ್ಳಿ ಗ್ರಾಮದಲ್ಲಿದ್ದ ಅವರಿಗೆ ರಾತ್ರಿ ಹೆರಿಗೆ ನೋವು ಕಾಣಿಸಿಕೊಂಡಿದ್ದು, 108 ಅನ್ನು ಸಂಪರ್ಕಿಸಿದ್ದಾರೆ. ನೆರವಿಗೆ ಆಗಮಿಸಿದ ಚೋರನೂರು108 ಸಿಬ್ಬಂದಿ ಗರ್ಭಿಣಿ ರಾಜಮ್ಮಳನ್ನು ಚೋರನೂರು ಆರೋಗ್ಯ ಕೇಂದ್ರಕ್ಕೆ ಕರೆದೊಯ್ಯಲು ಮುಂದಾಗಿದ್ದಾರೆ. ಆದರೆ ಬೊಮ್ಮಘಟ್ಟ ಶ್ರೀಹುಲಿಕುಂಟೇಶ್ವರ ದೇವಸ್ಥಾನದ ಹತ್ತಿರದ ಕೆರೆ ಏರಿಯ ಮೇಲೆ 108 ಆ್ಯಂಬುಲೆನ್ಸ್​​ ಚಲಿಸುವಾಗ ವಾಹನದಲ್ಲಿಯೇ ಸುಲಭ ಹೆರಿಗೆಯಾಗಿದೆ.

ಈ ಸುದ್ದಿಯನ್ನೂ ಓದಿ:ಮುಜರಾಯಿ ದೇಗುಲಗಳಲ್ಲಿ ತಿಂಗಳಿಗೆ ಎರಡು ದಿನ ಸಪ್ತಪದಿ ಕಾರ್ಯಕ್ರಮ: ಸಚಿವ ಕೋಟ ಶ್ರೀನಿವಾಸ ಪೂಜಾರಿ

ಈ ಸಮಯದಲ್ಲಿ 108 ಸಿಬ್ಬಂದಿ ಇ.ಎಮ್.ಟಿ. ಹನುಮಂತಪ್ಪ ಹಾಗೂ ಚಾಲಕ ನಾಣ್ಯಾಪುರ ಪ್ರಭು ಅವರು ಸಮಯ ಪ್ರಜ್ಞೆ ಮತ್ತು ಕರ್ತವ್ಯ ನಿಷ್ಠೆ ಮೆರೆದಿದ್ದಾರೆ. ಸದ್ಯ ತಾಯಿ ರಾಜಮ್ಮ ಮತ್ತು ಅವರ ಹೆಣ್ಣು ಮಗು ಆರೋಗ್ಯವಾಗಿದ್ದು, ಅವರನ್ನು ಚೋರನೂರು ಅರೋಗ್ಯ ಕೇಂದ್ರದಲ್ಲಿ ದಾಖಲಿಸಲಾಗಿದೆ.