ಬಳ್ಳಾರಿ ಎಸ್ಪಿಯಾದ ನನ್ನ ಮುಂದೆ ದೊಡ್ಡ ಸವಾಲಿದೆ: ಎಸ್ಪಿ ಸೈದುಲು ಅಡಾವತ್

ಬಳ್ಳಾರಿ ಜಿಲ್ಲೆಗೆ ಎಸ್ಪಿಯಾಗಿ ನೇಮಕಗೊಂಡಿರುವ ನನ್ನ ಮುಂದೆ ಈಗ ದೊಡ್ಡ ಸವಾಲಿದೆ ಎಂದು ನೂತನ ಎಸ್ಪಿ ಸೈದುಲು ಅಡಾವತ್ ಮಾಧ್ಯಮಗೋಷ್ಟಿಯಲ್ಲಿ ತಿಳಿಸಿದರು.

ಬಳ್ಳಾರಿ:ಬಳ್ಳಾರಿಯಂತಹ ಐತಿಹಾಸಿಕ ಜಿಲ್ಲೆಗೆ ಎಸ್ಪಿಯಾಗಿ ನೇಮಕಗೊಂಡಿರುವ ನನ್ನ ಮುಂದೆ ಈಗ ದೊಡ್ಡ ಸವಾಲಿದೆ ಎಂದು ನೂತನ ಎಸ್ಪಿ ಸೈದುಲು ಅಡಾವತ್​ ಹೇಳಿದರು.

ಬೆಂಗಳೂರಿನ ಲೋಕಾಯುಕ್ತ ಪೊಲೀಸ್ ಇಲಾಖೆಯಿಂದ ಬಳ್ಳಾರಿ ಜಿಲ್ಲಾ ಪೊಲೀಸ್ ವರಿಷ್ಟಾಧಿಕಾರಿಯಾಗಿ ವರ್ಗಾವಣೆಗೊಂಡ ಬಳಿಕ ಮೊದಲ ಬಾರಿಗೆ​ ಮಾಧ್ಯಮದೊಂದಿಗೆ ಅವರು ಮಾತನಾಡಿದರು.

ಇನ್ನು ರಸಗೊಬ್ಬರ ಕಳ್ಳತನ ಪ್ರಕರಣ ಸಂಬಂಧ ಮಾತನಾಡಿದ ಅವರು, ಖಾಸಗಿ ಕಂಪನಿಯ ಗೋದಾಮಿನಲ್ಲಿ ಸಂಗ್ರಹಿಸಿಟ್ಟಿದ್ದ ಲಾರಿ ಸೇರಿದಂತೆ ಅಂದಾಜು 500ಕ್ಕೂ ಅಧಿಕ ಬ್ಯಾಗ್​ಗಳುಳ್ಳ ಯುರಿಯಾ ಮತ್ತು ಡಿಐಪಿ ರಸಗೊಬ್ಬರವನ್ನ ವಶಪಡಿಸಿಕೊಳ್ಳಲಾಗಿದೆ. ಈ ಪ್ರಕರಣವನ್ನು ಭೇದಿಸಿದ ಬ್ರೂಸ್ ಪೇಟೆ ಠಾಣೆಯ ಪೊಲೀಸರು ಎಂಟು ಆರೋಪಿಗಳನ್ನು ಬಂಧಿಸಿದ್ದಾರೆ ಎಂದು ಈ ವೇಳೆ ತಿಳಿಸಿದರು.