ಬಳ್ಳಾರಿ: ದಶಕದ ಹಿಂದಿನ ನೀರಿನ ಟ್ಯಾಂಕ್​ ನೆಲಕ್ಕುರುಳಿಸಿದ ಮಹಾನಗರ ಪಾಲಿಕೆ

ಮಹಾನಗರದ ಲಾಲ್ ಕಮಾನ್ ಪ್ರದೇಶ ವ್ಯಾಪ್ತಿಯಲ್ಲಿನ ದಶಕದ ಕುಡಿಯುವ ನೀರಿನ ಟ್ಯಾಂಕ್​ನ್ನ ಬಳ್ಳಾರಿ ಮಹಾನಗರ ಪಾಲಿಕೆಯು ನೆಲಕ್ಕುರುಳಿಸಿದೆ.

ಬಳ್ಳಾರಿ:ಮಹಾನಗರದ ಲಾಲ್ ಕಮಾನ್ ಪ್ರದೇಶ ವ್ಯಾಪ್ತಿಯಲ್ಲಿನ ದಶಕದ ಕುಡಿಯುವ ನೀರಿನ ಟ್ಯಾಂಕನ್ನು ಬಳ್ಳಾರಿ ಮಹಾನಗರ ಪಾಲಿಕೆಯು ನೆಲಕ್ಕುರುಳಿಸಿದೆ.

ಲಾಲ್ ಕಮಾನ್ ಪ್ರದೇಶದ ನಿವಾಸಿಗಳು ನೀಡಿರುವ ಮನವಿ ಮೇರೆಗೆ ಬಳ್ಳಾರಿ ಶಾಸಕ ಗಾಲಿ ಸೋಮಶೇಖರರೆಡ್ಡಿ ಅವರ ಸಮಕ್ಷಮದಲ್ಲಿ ಪಾಲಿಕೆ ಈ ಟ್ಯಾಂಕನ್ನ ನೆಲಕ್ಕುರುಳಿಸಿದೆ. ದೊಡ್ಡದಾದ ಕಂಪೌಂಡ್ ಒಳಗಡೆ ಕಳೆದ 35 ವರ್ಷಗಳ ಹಿಂದೆಯೇ ಈ ಟ್ಯಾಂಕ್​ ಅನ್ನು ನಿರ್ಮಿಸಲಾಗಿತ್ತಾದರೂ ಅದರ ಆಯುಸ್ಸು ಮುಗಿದಿತ್ತು. ಟ್ಯಾಂಕ್ ಬಳಿ ತೆರಳುವವರು ಜೀವ ಕೈಯಲ್ಲೇ ಹಿಡಿದುಕೊಂಡೇ ಹೋಗುತ್ತಿದ್ದರು. ಆದರೀಗ, ಟ್ಯಾಂಕ್​ನ್ನ ನೆಲಕ್ಕುರುಳಿಸಿದರಿಂದ ಅಲ್ಲಿನ‌ ನಿವಾಸಿಗಳು ನಿಟ್ಟುಸಿರು ಬಿಟ್ಟಿದ್ದಾರೆ.

ಅಲ್ಲದೇ, ಕುಡಿಯುವ ನೀರಿನ ಟ್ಯಾಂಕ್ ನೆಲಕ್ಕುರುಳಿಸಿದ ವಿಡಿಯೋವನ್ನ ಬಳ್ಳಾರಿ ಮೇರಿ ಜಾನ್ ಫೇಸ್​ಬುಕ್ ಖಾತೆಯಲ್ಲಿ ಹರಿಬಿಡಲಾಗಿದೆ.