ಬಳ್ಳಾರಿ:ಜಿಲ್ಲೆಯ ಬಸವೇಶ್ವರ ನಗರ ನಿವಾಸಿ ವಿದ್ಯಾಶ್ರೀ ಬಿ ಕಳೆದ ಮೂರು ವರ್ಷಗಳಿಂದ ಭಾರತೀಯ ಯೋಧರಿಗೆ ರಾಖಿ ಕಳಿಹಿಸುವ ಮೂಲಕ ರಕ್ಷಾಬಂಧನವನ್ನು ವಿಶಿಷ್ಟವಾಗಿ ಆಚರಿಸುತ್ತಾರೆ. ಸ್ವಂತ ಅಣ್ಣ ತಮ್ಮಂದಿರಿಗೆ ರಾಖಿ ಕಟ್ಟುವುದು ಸಾಮಾನ್ಯ. ಆದರೆ ರಕ್ತ ಸಂಬಂಧದ ಹಂಗಿಲ್ಲದಿದ್ದರೂ ರಾಷ್ಟ್ರ ರಕ್ಷಣೆಗಾಗಿ ಪ್ರಾಣ ಮುಡಿಪಾಗಿಡುವ ಸೈನಿಕರನ್ನು ಅಣ್ಣತಮ್ಮಂದಿರಂತೆ ಗೌರವಿಸಿ ಇವರು ರಕ್ಷೆ ಕಳುಹಿಸುತ್ತಿದ್ದಾರೆ.
ಬಳ್ಳಾರಿಯಿಂದ ರಾಖಿ ತಲುಪಿದ ನಂತರ ಸೈನಿಕರು ಅದನ್ನು ಧರಿಸಿ ವಿದ್ಯಾಶ್ರೀ ಅವರೊಂದಿಗೆ ಮಾತನಾಡಿ ತಮ್ಮ ಸಂತಸ ಹಂಚಿಕೊಳ್ಳುತ್ತಾರೆ. ಬಂಧುತ್ವವಿಲ್ಲದಿದ್ದರೂ ರಕ್ಷಾ ಬಂಧನದದ ಮೂಲಕ ಸಹೋದರತ್ವದ ಸೆಲೆಯನ್ನು ಪಡೆಯುವ ಈ ಅಪರೂಪದ ಕ್ರಿಯೆಯ ಹಿಂದಿರುವುದು ಭ್ರಾತೃ ಪೇಮ ಹಾಗೂ ರಾಷ್ಟ ಭಕ್ತಿ. ರಕ್ಷ ಬಂಧನ ಹಿನ್ನೆಲೆಯಲ್ಲಿ ಪ್ರತಿವರ್ಷ ವಿದ್ಯಾಶ್ರೀ ಸುಮಾರು 1,000 ಯೋಧರಿಗೆ ರಾಖಿ ಕಳಿಸುತ್ತಿದ್ದಾರೆ.
ಗಡಿ ಕಾಯವ ಯೋಧರಿಗೆ ಮೂರು ವರ್ಷಗಳಿಂದ ರಾಖಿ ಕಳುಹಿಸುವ ಮೂಲಕ ರಕ್ಷಾಬಂಧನ ಆಚರಣೆ