ಬಳ್ಳಾರಿ:ಎರಡು ಲಾರಿಗಳ ಮದ್ಯ ಮುಖಾಮುಖಿ ಡಿಕ್ಕಿಯಾದ ಪರಿಣಾಮ ಇಬ್ಬರು ಚಾಲಕರು ಸ್ಥಳದಲ್ಲೇ ಸಾವನ್ನಪ್ಪಿದ್ದು, ಅಪಘಾತ ಸ್ಥಳದಲ್ಲಿ ಇದ್ದ ಕೆಲವರು ಮಾತ್ರ ಸೆಲ್ಫಿ ಕ್ಲಿಕ್ಕಿಸುವಲ್ಲೇ ತಲ್ಲೀನರಾಗಿದ್ದರು.
ಬಳ್ಳಾರಿ ಜಿಲ್ಲೆಯ ಕೂಡ್ಲಿಗಿ ತಾಲೂಕಿನ - ಕಾನಾ ಹೊಸಹಳ್ಳಿ ಸಮೀಪದ ಬಣವೀಕಲ್ಲು ಹಾಗೂ ಎಂ ಬಿ ಅಯ್ಯನಹಳ್ಳಿ ಮಧ್ಯ ರಾಷ್ಟ್ರೀಯ ಹೆದ್ದಾರಿ 50 ರಲ್ಲಿ ಮಂಗಳವಾರ ಮಧ್ಯಾಹ್ನ ಎರಡು ಲಾರಿಗಳ ಮದ್ಯ ಮುಖಾಮುಖಿ ಅಪಘಾತವಾಗಿದ್ದು, ಸ್ಥಳದಲ್ಲೇ ಎರಡು ಲಾರಿಗಳ ಚಾಲಕರಾದ ವಿಕಾಸ್( 24) ಮತ್ತೊಂದು ಲಾರಿ ಚಾಲಕ ರಾಜುದೊರೆ(27) ಸ್ಥಳದಲ್ಲೇ ಮೃತಪಟ್ಟಿದ್ದಾರೆ.
ತಮಿಳುನಾಡಿನಿಂದ ಹಡಗಲಿ ತಾಲೂಕಿಗೆ ಕುಡಿವ ನೀರಿನ ಪೈಪ್ ಗಳನ್ನು ತುಂಬಿಕೊಂಡು ಹೊಗುತ್ತಿದ್ದ ಲಾರಿ ಹಾಗೂ, ಮದ್ಯಪ್ರದೇಶದ ಹಿಂದೂರ್ ನಿಂದ ಬೆಂಗಳೂರಿಗೆ ಹೋಗುತ್ತಿದ್ದ ಮತ್ತೊಂದು ಲಾರಿ ಅಪಘಾತಕ್ಕೀಡಾದ ಲಾರಿಗಳೆಂದು ತಿಳಿದುಬಂದಿದೆ.ಕಾನಾಹೊಸಹಳ್ಳಿ ಪೊಲೀಸ್ ಠಾಣೆಯಲ್ಲಿ ಈ ಕುರಿತು ಪ್ರಕರಣ ದಾಖಲಾಗಿದೆ.
ಮಾನವೀಯತೆ ಮರೆತ ಮನುಷ್ಯರು: ಎರಡು ಲಾರಿಗಳು ಮುಖಾಮುಖಿ ಡಿಕ್ಕಿ ಆಗಿ ಲಾರಿ ಚಾಲಕ ಸ್ಥಳದಲ್ಲೇ ಮೃತ ಪಟ್ಟಿದ್ದು ಇನ್ನೊಂದು ಲಾರಿಯ ಚಾಲಕ ಅಪಘಾತವಾದ ಲಾರಿಯಲ್ಲಿ ಸಿಲುಕಿಕೊಂಡಿದ್ದ. ಇತ್ತ ಹೊರಗೆ ಬರಲಾರದೆ ಕಬ್ಬಿಣದ ಮದ್ಯ ಸಿಲುಕಿ ಪರದಾಡುತ್ತಿದ್ದ. ಪೋಲೀಸರು ಹಾಗೂ ಕೆಲ ಸ್ಥಳೀಯರು ಲಾರಿ ಒಳಗೆ ಸಿಲುಕಿ ಹಾಕಿಕೊಂಡಿದ್ದ ಚಾಲಕನನ್ನು ಹೊರ ಎಳೆಯಲು ಪ್ರಯತ್ನ ಮಾಡುತ್ತಿದ್ದರೆ, ಕೆಲ ದಾರಿ ಹೊಕರು ಮೊಬೈಲ್ ನಲ್ಲಿ ವಿಡಿಯೋ ಹಾಗೂ ಸೆಲ್ಪಿ ತೆಗೆದುಕೊಂಡು ಮಾನವೀಯತೆಯನ್ನ ಮರೆತಂತೆ ವರ್ತಿಸಿದರು. ಈ ಘಟನೆ ಬಗ್ಗೆ ಸ್ಥಳೀಯರು ಹಾಗೂ ಪೋಲೀಸರು ಬೇಸರ ವ್ಯಕ್ತಪಡಿಸಿದ್ದಾರೆ.