ಅವರ ದಾರಿ ಅವರಿಗೆ, ನಮ್ಮ ದಾರಿ ನಮಗೆ: ಅನರ್ಹ ಶಾಸಕರಿಗೆ 'ಕತ್ತಿ' ಇರಿತ

ಹಿರೇಮಠದಲ್ಲಿ ಆಯೋಜಿಸಿದ ದಸರಾ ಉತ್ಸವ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ನಂತರ ಮಾತನಾಡಿದ ಬಿಜೆಪಿ ಶಾಸಕ ಉಮೇಶ್​ ಕತ್ತಿ, ರಾಜು ಕಾಗೆ ಅವರಿಗೆ ಕಾಗವಾಡದಿಂದ  ಟಿಕೆಟ್ ನೀಡಲಾಗುವುದು, ನೀಡದಿದ್ದರೆ ಮುಂದೆ ಅದರ ಬಗ್ಗೆ ನೋಡೋಣ ಎಂದರು.

ಚಿಕ್ಕೋಡಿ: ಅವರ ದಾರಿ ಅವರಿಗೆ, ನಮ್ಮ ದಾರಿ ನಮಗೆ ಎಂದು ಹೇಳಿರುವ ಹುಕ್ಕೇರಿ ಬಿಜೆಪಿ ಶಾಸಕ ಉಮೇಶ್​ ಕತ್ತಿ ಅನರ್ಹ ಶಾಸಕರಿಗೆ ಆಘಾತ ನೀಡಿದ್ದಾರೆ.

ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ಪಟ್ಟಣದಲ್ಲಿ ಶ್ರೀ ಚಂದ್ರಶೇಖರ ಸ್ವಾಮೀಜಿ ಹಿರೇಮಠದಲ್ಲಿ ಆಯೋಜಿಸಿದ ದಸರಾ ಉತ್ಸವ ಕಾರ್ಯಕ್ರಮದಲ್ಲಿ ಭಾಗವಹಿಸಿದ ನಂತರ ಮಾತನಾಡಿದ ಅವರು, ರಾಜು ಕಾಗೆಗೆ ಕಾಗವಾಡದಿಂದ ಟಿಕೆಟ್ ನೀಡಲಾಗುವುದು, ನೀಡದಿದ್ದರೆ ಅವಾಗ ನೋಡೋಣ ಎಂದರು.

ಅನರ್ಹ ಶಾಸಕರ ಬಗ್ಗೆ ಕೇಳಲಾದ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು, ಅವರ ದಾರಿ ಅವರಿಗೆ, ನಮ್ಮ ದಾರಿ ನಮಗೆ ಎಂದು ಹೇಳುವ ಮೂಲಕ ಅನರ್ಹರಿಗೆ ತಮ್ಮ ಮಾತಿನಿಂದ ಇರಿದಿದ್ದಾರೆ.

ಉಮೇಶ್​ ಕತ್ತಿ ಬಿಜೆಪಿಯ ಹಿರಿಯ ಶಾಸಕರಾಗಿದ್ದು, ಎಂಟು ಬಾರಿ ಶಾಸಕರಾಗಿ ಆಯ್ಕೆಯಾಗಿದ್ದಾರೆ. ಕತ್ತಿ ಹೇಳಿಕೆ ಅನರ್ಹ ಶಾಸಕರಿಗೆ ಬಿಗ್ ಶಾಕ್ ನೀಡಿದಂತದಾಗಿದೆ.