ಮಳೆಗೆ ಗೋಡೆ ಕುಸಿತ: ಇಬ್ಬರು ಕುರಿಗಾಹಿಗಳು ಸಾವು

ಬಿರುಗಾಳಿ ಸಹಿತ ಮಳೆಗೆ ಶೆಡ್​ನ ಗೋಡೆ ಕುಸಿದು ಬೆಳಗಾವಿ ತಾಲೂಕಿನ ಕಮಕಾರಟ್ಟಿ‌ ಗ್ರಾಮದ ಹೊರವಲಯದಲ್ಲಿ ಇಬ್ಬರು ಕುರಿಗಾಹಿಗಳು ಮೃತಪಟ್ಟಿದ್ದಾರೆ

ಬೆಳಗಾವಿ:ಬಿರುಗಾಳಿ ಸಹಿತ ಮಳೆಗೆ ಗೋಡೆ ಕುಸಿದು ಇಬ್ಬರು ಕುರಿಗಾಹಿಗಳು ಸ್ಥಳದಲ್ಲೇ ‌ಮೃತಪಟ್ಟ‌ ಘಟನೆ ಬೆಳಗಾವಿ ತಾಲೂಕಿನ ಕಮಕಾರಟ್ಟಿ‌ ಗ್ರಾಮದ ಹೊರವಲಯದಲ್ಲಿ ನಡೆದಿದೆ.

ಕಲ್ಲಪ್ಪ ಸಾಂಬ್ರೇಕರ್ (45) ಹಾಗೂ ಪರಶುರಾಮ ಪಾಟ (17) ಮೃತರು.

ಮೃತ ಕಲ್ಲಪ್ಪ ಸಾಂಬ್ರೇಕರ್

ಮೃತ ಪರಶುರಾಮ ಪಾಟ

ಕಮಕಾರಟ್ಟಿಯ ಪರಶುರಾಮ ಪಾಟೀಲ್ ಎಂಬುವರು ಕುರಿ ಸಾಕಲು ಇಟ್ಟಿಗೆ ಹಾಗೂ ತಗಡಿನ ಶೆಡ್ ನಿರ್ಮಿಸಿದ್ದರು. ಕುರಿ ಕಾಯುತ್ತಿದ್ದಾಗ ಮಳೆ ಬಂದ ಹಿನ್ನೆಲೆಯಲ್ಲಿ ಆಶ್ರಯ ಪಡೆಯಲು ಶೆಡ್​‌ಗೆ ಬಂದಿದ್ದಾರೆ.

ಮಳೆಗೆ ಗೋಡೆ ಕುಸಿತ

ಈ ವೇಳೆ ಬಿರುಗಾಳಿ ಸಹಿತ ಮಳೆಗೆ ಗೋಡೆ ಕುಸಿದಿದ್ದು ಇಬ್ಬರೂ ಸ್ಥಳದಲ್ಲೇ ‌ಮೃತಪಟ್ಟಿದ್ದಾರೆ. ಹಿರೇಬಾಗೇವಾಡಿ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ಘಟ‌ನೆ ನಡೆದಿದೆ.