ಬೆಳಗಾವಿಯಲ್ಲಿಲ್ಲ ವ್ಯಾಕ್ಸಿನ್ ಕೊರತೆ: ಜಿಲ್ಲೆಯ 10 ಕೇಂದ್ರಗಳಲ್ಲಿ ನಿತ್ಯವೂ ಲಸಿಕೆ ವಿತರಣೆ

ಪ್ರತಿ ಕೇಂದ್ರಗಳಲ್ಲಿ ನಿತ್ಯ 150ರಿಂದ 200 ಡೋಸ್ ಲಸಿಕೆ ನೀಡಲಾಗುತ್ತಿದೆ. ಸದ್ಯ ಜಿಲ್ಲೆಯಲ್ಲಿ ಕೋವ್ಯಾಕ್ಸಿನ್ - 2060‌ ಡೋಸ್​ ಹಾಗೂ ಕೋವಿಶೀಲ್ಡ್ -24,480 ಡೋಸ್ ಸೇರಿ ಜಿಲ್ಲೆಯಲ್ಲಿ ಒಟ್ಟು 26,540 ಲಸಿಕೆ ಸಂಗ್ರಹವಿದೆ.

ಬೆಳಗಾವಿ:ಕೊರೊನಾ ವ್ಯಾಕ್ಸಿನ್​​ಗೆ ರಾಜ್ಯದ ಹಲವೆಡೆ ಅಭಾವ ಸೃಷ್ಟಿಯಾಗಿದೆ. ಆದರೆ ಗಡಿ ಜಿಲ್ಲೆ ಬೆಳಗಾವಿಯಲ್ಲಿ ಲಸಿಕೆಯ ಸಂಗ್ರಹವಿದೆ. ಹೀಗಾಗಿ ಜಿಲ್ಲೆಯ ಜನರಿಗೆ ಲಸಿಕೆ ಕೊರತೆ ಎದುರಾಗಿಲ್ಲ. ಸದ್ಯ ಕೋವ್ಯಾಕ್ಸಿನ್ - 2060‌ ಡೋಸ್​ ಹಾಗೂ ಕೋವಿಶೀಲ್ಡ್ -24,480 ಡೋಸ್ ಸೇರಿ ಜಿಲ್ಲೆಯಲ್ಲಿ ಒಟ್ಟು 26,540 ಲಸಿಕೆ ಸಂಗ್ರಹವಿದೆ.

ಕೋವ್ಯಾಕ್ಸಿನ್ ಲಸಿಕೆಗೆ ಹೆಚ್ಚಿನ ಬೇಡಿಕೆ ಇದ್ದರೂ ಸರಬರಾಜು ಕಡಿಮೆ ಆಗುತ್ತಿದೆ. ಆದರೆ ಕೋವಿಶೀಲ್ಡ್ ಲಸಿಕೆ ಅಧಿಕ ಪ್ರಮಾಣದಲ್ಲಿ ಸರಬರಾಜು ‌ಆಗುತ್ತಿದೆ. ಹೀಗಾಗಿ ಹೆಚ್ಚಿನ ಪ್ರಮಾಣದಲ್ಲಿ ಕೋವಿಶೀಲ್ಡ್ ವಿತರಣೆ ಮಾಡಲಾಗುತ್ತಿದೆ. ಜಿಲ್ಲೆಯ ನಗರ ಪ್ರಾಥಮಿಕ ಆರೋಗ್ಯ ‌ಕೇಂದ್ರ, ತಾಲೂಕು ಆಸ್ಪತ್ರೆ ‌ಹಾಗೂ ಬೀಮ್ಸ್ ಸೇರಿ 10 ಕಡೆಗಳಲ್ಲಿ ವ್ಯಾಕ್ಸಿನ್ ವಿತರಣೆ ಮಾಡಲಾಗುತ್ತಿದೆ.

ಪ್ರತಿ ಕೇಂದ್ರಗಳಲ್ಲಿ ನಿತ್ಯ 150ರಿಂದ 200 ಡೋಸ್ ಲಸಿಕೆ ನೀಡಲಾಗುತ್ತಿದೆ. ಜಿಲ್ಲೆಯಲ್ಲಿ ಅಗತ್ಯ ಲಸಿಕೆ ಸಂಗ್ರಹವಿದ್ದು, ವಿತರಣೆಯಲ್ಲಿ ಯಾವುದೇ ಗೊಂದಲ ಆಗದಂತೆ ಜಿಲ್ಲಾಡಳಿತ ‌ನಿಗಾ ವಹಿಸಿದೆ. ಅಗತ್ಯಕ್ಕಿಂತ ಹೆಚ್ಚು ಲಸಿಕೆಯ ಸಂಗ್ರಹ ಜಿಲ್ಲೆಯಲ್ಲಿರುವ ಕಾರಣ ಲಸಿಕೆ ವಿತರಣೆ ಪ್ರಮಾಣ ‌ಹೆಚ್ಚಿಸುವಂತೆ ಜಿಲ್ಲಾಡಳಿತಕ್ಕೆ ಜಿಲ್ಲೆಯ ಜನರು ಆಗ್ರಹಿಸುತ್ತಿದ್ದಾರೆ.