ಕೊರೊನಾ ಭೀತಿ‌: ಬಿಕೋ ಎನ್ನುತ್ತಿವೆ ಸಿನಿಮಾ ಥಿಯೇಟರ್​ಗಳು

ಕೊರೊನಾ ಭೀತಿ ಹಿನ್ನೆಲೆ ಜಿಲ್ಲೆಯ ಬಹುತೇಕ ಸಿನಿಮಾ ಥಿಯೇಟರ್​​ಗಳು ಜನರಿಲ್ಲದೆ ಬಿಕೋ ಎನ್ನುತ್ತಿವೆ.

ಬೆಳಗಾವಿ: ಕೊರೊನಾ ವೈರಸ್​ನಿಂದ ವೃದ್ಧನೋರ್ವ ಸಾವನ್ನಪ್ಪಿದ ಹಿನ್ನೆಲೆ, ಬಹುತೇಕ ಸಿನಿಮಾ ಥಿಯೇಟರ್​​ಗಳು ಬಿಕೋ ಎನ್ನುತ್ತಿವೆ.

ರಾಜ್ಯದಲ್ಲಿಯೂ ಕೊರೊನಾ ವೈರಸ್ ಹರಡುವ ಭೀತಿಯಿಂದ ರಾಜ್ಯ ಸರ್ಕಾರ ಸಿನಿಮಾ ಮಂದಿರಗಳನ್ನು ಬಂದ್ ಮಾಡುವಂತೆ ಸೂಚನೆ ನೀಡಿದೆ. ಮಾರಕ ವೈರಸ್​ ಆತಂಕದಿಂದ ಕುಂದಾನಗರಿ‌ ಜನರು ಸಿನಿಮಾ ಥಿಯೇಟರ್​​ಗಳತ್ತ ಸುಳಿಯದೇ ಇರುವುದರಿಂದ ಎಲ್ಲಾ ಸಿನಿಮಾ ಹಾಲ್​​ಗಳು ಖಾಲಿ ಖಾಲಿಯಾಗಿವೆ.

ಸರ್ಕಾರ ನಾಳೆಯಿಂದ ಥಿಯೇಟರ್​​, ಮಾಲ್‌ಗಳನ್ನು ಬಂದ್ ಮಾಡಬೇಕೆಂಬ ಸೂಚನೆ ನೀಡಿದೆ. ಆದರೆ, ಜಿಲ್ಲೆಯ ಬಹುತೇಕ ಕಡೆ ಇಂದಿನಿಂದಲೇ ಸ್ವಯಂಘೋಷಿತ ಬಂದ್ ಕಂಡು ಬಂದಿದೆ.