ಚಲಿಸುತ್ತಿದ್ದ ಬೈಕಿನಲ್ಲಿ ಕಾಣಿಸಿಕೊಂಡ ನಾಗರ ಹಾವು! ಬದುಕಲು ಬಿಡಲಿಲ್ಲ ಸ್ಥಳೀಯರು

ಪ್ರಶಾಂತ ನಗರದ ಯುವಕ ಅಭಿಜಿತ್ ಬೈಕ್ ಚಲಾಯಿಸಿಕೊಂಡು ಬಸ್ ನಿಲ್ದಾಣದತ್ತ ಹೊರಟಿದ್ದ. ಈ ವೇಳೆ ಬೈಕ್​ನಲ್ಲಿ ಇದ್ದ ಹಾವನ್ನು ಪಕ್ಕದಲ್ಲಿ ಸಂಚಾರ ಮಾಡುತ್ತಿದ್ದ ಬೈಕ್​ ಸವಾರ ಗಮನಿಸಿದ್ದಾನೆ. ತದನಂತರ ಹಾವನ್ನು ರಕ್ಷಣೆ ಮಾಡುವ ಬದಲಾಗಿ ಕೊಲ್ಲಲಾಗಿದೆ.

ಗಂಗಾವತಿ: ಬೈಕ್​ನ ಪೆಟ್ರೋಲ್​ ಟ್ಯಾಂಕ್​ನಲ್ಲಿ ನಾಗರ ಹಾವು ಕಾಣಿಸಿಕೊಂಡಿದ್ದು, ಸ್ಥಳೀಯರ ಕಣ್ಣಿಗೆ ಬಿದ್ದ ಹಿನ್ನೆಲೆ ಮುಂದಾಗುತ್ತಿದ್ದ ಅನಾಹುತ ತಪ್ಪಿಸಲಾಗಿದೆ.

ಪ್ರಶಾಂತ ನಗರದ ಯುವಕ ಅಭಿಜಿತ್ ಎಂಬುವವ ಬೈಕ್ ಚಲಾಯಿಸಿಕೊಂಡು ಬಸ್ ನಿಲ್ದಾಣದತ್ತ ಹೊರಟಿದ್ದ. ಈ ವೇಳೆ ಬೈಕ್​ನಲ್ಲಿದ್ದ ಹಾವನ್ನು ಪಕ್ಕದಲ್ಲಿ ಸಂಚಾರ ಮಾಡುತ್ತಿದ್ದ ಬೈಕ್​ ಸವಾರ ಗಮನಿಸಿದ್ದಾನೆ. ನಂತರ ಬೈಕ್​ನಲ್ಲಿ ಹಾವಿದೆ ಎಂದು ಅಭಿಜಿತ್​ಗೆ ಸವಾರ ಹೇಳಿದಾಗ ಅಭಿಜಿತ್​ ತಕ್ಷಣವೇ ಬೈಕ್​ನ್ನು ರಸ್ತೆ ಬದಿ ನಿಲ್ಲಿಸಿದ್ದಾನೆ.

ಬೈಕ್​ ಪಾರ್ಕಿಂಗ್​ ಮಾಡಿದ ನಂತರ ಅಲ್ಲಿದ್ದ ಹಾವನ್ನು ಸ್ಥಳೀಯರು ಹುಡುಕಿದರಾದರೂ ಸಿಗಲಿಲ್ಲವಾದ್ದರಿಂದ ಅಭಿಜಿತ್​ ಬೈಕ್​ ಏರಿ ಹೊರಟು ಹೋಗಿದ್ದಾನೆ. ಇದಾದ ನಂತರ ಅದೇ ಸ್ಥಳದಲ್ಲಿ ಹಾವು ಕಾಣಿಸಿಕೊಂಡಿದೆ. ಆದರೆ, ಆ ಹಾವನ್ನು ಸ್ಥಳೀಯರು ಬದುಕಲು ಬಿಡಲಿಲ್ಲ.