ಜೂನ್ 30 ರವರೆಗೆ ಸವದತ್ತಿ ರೇಣುಕಾ, ಚಿಂಚಲಿ ಮಾಯಕ್ಕ ದೇವಸ್ಥಾನ ಬಂದ್

ಬೆಳಗಾವಿಯಲ್ಲಿ ಕೊರೊನಾ ಭಯದ ಹಿನ್ನೆಲೆಯಲ್ಲಿ ರೇಣುಕಾ ಯಲ್ಲಮ್ಮ ಹಾಗೂ ಚಿಂಚಲಿ ಮಾಯಕ್ಕ ದೇವಸ್ಥಾನಗಳು ಜೂ. 30 ರವರೆಗೆ ಬಂದ್ ಇರಲಿವೆ ಎಂದು ಜಿಲ್ಲಾಡಳಿತ ಭಕ್ತರಿಗೆ ತಿಳಿಸಿದೆ.

ಬೆಳಗಾವಿ :ರಾಜ್ಯಾದ್ಯಂತ ಜೂ.‌ 8 ರಿಂದ ದೇಗುಲಗಳು ಪ್ರಾರಂಭಗೊಳ್ಳಲಿವೆ. ಆದರೆ, ಜಿಲ್ಲೆಯ ಸವದತ್ತಿಯ ರೇಣುಕಾ ಯಲ್ಲಮ್ಮ ಹಾಗೂ ಚಿಂಚಲಿ ಮಾಯಕ್ಕ ದೇವಸ್ಥಾನಗಳು ಜೂ. 30 ರ ರವರೆಗೆ ಬಂದ್ ಆಗಿರಲಿವೆ.
ಜಿಲ್ಲೆಯ ಈ ಎರಡೂ ದೇವಾಲಯಗಳಿಗೆ ಜೂನ್ 30 ರವರೆಗೆ ಭಕ್ತರ ಪ್ರವೇಶಕ್ಕೆ ನಿಷೇಧ ಹೇರಲಾಗಿದೆ. ಮಹಾರಾಷ್ಟ್ರ ಕೊರೊನಾ ಹಾಟ್​ಸ್ಪಾಟ್​ ಆಗಿರುವುದರಿಂದ, ಈ ದೇವಸ್ಥಾನಗಳಿಗೆ ಮಹಾರಾಷ್ಟ್ರದಿಂದ ಹೆಚ್ಚಿನ ಭಕ್ತರು ಪ್ರತಿವರ್ಷ ಭೇಟಿ ನೀಡುತ್ತಾರೆ. ಈ ಕಾರಣಕ್ಕೆ ಮುಂಜಾಗ್ರತಾ ಕ್ರಮವಾಗಿ ಎರಡೂ ದೇಗುಲಗಳನ್ನು ತೆರೆಯದಿರಲು ಜಿಲ್ಲಾಡಳಿತ ನಿರ್ಧರಿಸಿದೆ.

ರಾಯಬಾಗದ ಬಿಜೆಪಿ ಶಾಸಕ ದುರ್ಯೋಧನ ಐಹೊಳೆ ಅವರು ಜಿಲ್ಲಾ ಉಸ್ತುವಾರಿ ಸಚಿವರ ಸಭೆಯಲ್ಲಿ ಕೊರೊನಾ ಹಿನ್ನೆಲೆಯಲ್ಲಿ ಚಿಂಚಲಿ ಮಾಯಕ್ಕ ದೇವಸ್ಥಾನ ಬಂದ್ ಮಾಡಲು ಮನವಿ‌ ಮಾಡಿದ್ದರು.