ಚಿಕ್ಕೋಡಿ (ಬೆಳಗಾವಿ):ತಮ್ಮ ಸ್ವಂತದವರ ಅಥವಾ ತಮಗೆ ಬೇಕಾದವರ ಹುಟ್ಟುಹಬ್ಬವನ್ನು ಹಲವರು ಅನ್ನದಾನ, ರಕ್ತದಾನ ಹಾಗು ಸಿಹಿ ಹಂಚಿ ಆಚರಿಸುತ್ತಾರೆ. ಆದರೆ, ಜಿಲ್ಲೆಯ ಹುಕ್ಕೇರಿ ಪಟ್ಟಣದಲ್ಲಿ ವ್ಯಕ್ತಿಯೊಬ್ಬ ತನ್ನ ನೆಟ್ಟಿನ ರಾಜಕೀಯ ನಾಯಕನ ಹುಟ್ಟುಹಬ್ಬಕ್ಕೆ ಉಚಿತವಾಗಿ ಕ್ಷೌರ ಮಾಡಿದ್ದಾನೆ.
ರವಿ ನಣದಿ ಎಂಬ ಯುವಕ ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ಪಟ್ಟಣದಲ್ಲಿ ಎರಡು ವರ್ಷಗಳಿಂದ ಆರ್.ಕೆ ಹೆಸರಿನ ಹೇರ್ ಕಟ್ ಸೆಲೂನ್ ನಡೆಸುತ್ತಿದ್ದಾನೆ. ಮಾಜಿ ಸಂಸದ ಹಾಗೂ ಬೆಳಗಾವಿ ಡಿಸಿಸಿ ಬ್ಯಾಂಕ್ ಅಧ್ಯಕ್ಷ ರಮೇಶ್ ಕತ್ತಿ ಹುಟ್ಟುಹಬ್ಬದ ನಿಮಿತ್ತವಾಗಿ ಅಂಗಡಿಗೆ ಬರುವ ಪ್ರತಿಯೊಬ್ಬ ಗ್ರಾಹಕನಿಗೂ ಉಚಿತ ಹೇರ್‌ಕಟ್, ಶೇವಿಂಗ್ ಮಾಡುತ್ತಿದ್ದಾನೆ.