ಆಂಬ್ಯುಲೆನ್ಸ್​​ಗೆ ದಾರಿ ಬಿಡದೆ ಬಂಡತನ ಪ್ರದರ್ಶಿಸಿದ ಟಿಪ್ಪರ್​ ಚಾಲಕರು: ವಿಡಿಯೋ

ಬೆಳಗಾವಿ ಜಿಲ್ಲೆಯ ಅಥಣಿ ಪಟ್ಟಣದಲ್ಲಿ ಇಬ್ಬರು ಟಿಪ್ಪರ್ ಚಾಲಕರು, ತಮ್ಮ ವಾಹನಗಳನ್ನು ರಸ್ತೆ ಮಧ್ಯೆದಲ್ಲಿ ನಿಲ್ಲಿಸಿ ಆಂಬ್ಯುಲೆನ್ಸ್​ಗೂ ದಾರಿ ನೀಡದೇ ಪರಸ್ಪರ ಇಬ್ಬರು ವಾಗ್ವಾದ ನಡೆಸಿದ ಘಟನೆ ನಡೆದಿದೆ.

ಅಥಣಿ:ಆಂಬ್ಯುಲೆನ್ಸ್​ಗೆ ದಾರಿ ಬಿಡದೇ ಟಿಪ್ಪರ್ ಚಾಲಕರು ಬಂಡತನ ಪ್ರದರ್ಶಿಸಿರುವ ಘಟನೆ ಬೆಳಗಾವಿ ಜಿಲ್ಲೆಯ ಅಥಣಿ ಪಟ್ಟಣದಲ್ಲಿ ನಡೆದಿದೆ.

ನಗರದ ಹೃದಯ ಭಾಗದ ಅಂಬೇಡ್ಕರ್ ಸರ್ಕಲ್​​ನಲ್ಲಿ ಇಬ್ಬರು ಟಿಪ್ಪರ್ ಚಾಲಕರು, ತಮ್ಮ ವಾಹನಗಳನ್ನು ರಸ್ತೆ ಮಧ್ಯೆದಲ್ಲಿ ನಿಲ್ಲಿಸಿ ವಾಹನ ಸವಾರರಿಗೆ ಕಿರಿ ಕಿರಿ ಉಂಟು ಮಾಡಿದರು. ಅಷ್ಟೇ ಅಲ್ಲದೇ ಹಿಂದೆ ನಿಲ್ಲಿಸಿದ್ದ ಆಂಬ್ಯುಲೆನ್ಸ್​ಗೂ ದಾರಿ ನೀಡದೇ ಪರಸ್ಪರ ಇಬ್ಬರು ವಾಗ್ವಾದ ನಡೆಸಿದ್ದು, ಇವರ ಜಗಳದಿಂದ ಆಂಬ್ಯುಲೆನ್ಸ್ ವಾಹನ ಟ್ರಾಫಿಕ್ ಮಧ್ಯೆ ಸಿಲುಕಿ ಅದರಲ್ಲಿದ್ದ ರೋಗಿ ಪರದಾಡುವ ಸ್ಥಿತಿ ನಿರ್ಮಾಣವಾಗಿತ್ತು.

ಇನ್ನು ಈ ಘಟನೆಯನ್ನು ಮಾಧ್ಯಮಗಳು ಸೆರೆ ಹಿಡಿಯಲು ಮುಂದಾಗುತ್ತಿದ್ದಂತೆ ಎತ್ತೆಚ್ಚ ಟಿಪ್ಪರ್​​ ಚಾಲಕರು ವಾಹನಗಳನ್ನ ತೆಗೆದುಕೊಂಡು ಪರಾರಿಯಾದರು. ಈ ಸಂಬಂಧ ಆಕ್ರೋಶ ವ್ಯಕ್ತಪಡಿಸಿರುವ ಸಾರ್ವಜನಿಕರು, ಆಂಬ್ಯುಲೆನ್ಸ್ ದಾರಿ ಬಿಡದೇ ಸತಾಯಿಸಿದ್ದಲ್ಲದೇ ಮಿತಿಮೀರಿದ ವಾಹನ ಸಂಚಾರ, ನಿಯಮ ಉಲ್ಲಂಘನೆ ಪಾಲಿಸದೇ ವಾಹನ ಚಲಾಯಿಸಿದ ಚಾಲಕರ ವಿರುದ್ಧ ಸೂಕ್ತ ಕ್ರಮ ಕೈಗೊಳ್ಳುವಂತೆ ಆಗ್ರಹಿಸಿದರು.