ಲಾಕ್‌ಡೌನ್ ಉಲ್ಲಂಘನೆ ಮಾಡಿ ಜೀವಕ್ಕೆ ಕುಂದು ತಂದುಕೊಳ್ಳಬೇಡಿ.. ಪಿಎಸ್‌ಐ ಎಚ್ಚರಿಕೆ

ಸದ್ಯಕ್ಕೆ ಗ್ರಾಮದಲ್ಲಿದ್ದವರು ಮನೆಯಲ್ಲಿಯೇ ಉಳಿಯಿರಿ. ಹೊರಗಿನಿಂದ ಬಂದವರ ಜತೆ ಬೆರೆಯಬೇಡಿ. ಹೊರಗಿನಿಂದ ಗ್ರಾಮಕ್ಕೆ ಬಂದವರು ನಿಮಗಾಗಿ, ನಿಮ್ಮ ಕುಟುಂಬಕ್ಕಾಗಿ ಸ್ವಯಂ ಕ್ವಾರಂಟೈನ್‌ ವಿಧಿಸಿಕೊಳ್ಳಿ.

ಅಥಣಿ :ಲಾಕ್‌ಡೌನ್ ಉಲ್ಲಂಘನೆ ಮಾಡಿ ಜೀವಕ್ಕೆ ಕುಂದು ತಂದುಕೊಳ್ಳಬೇಡಿ, ಪರಿಸ್ಥಿತಿ ಕೈಮೀರುವ ಮುನ್ನ ಎಚ್ಚರಗೊಳ್ಳಿ. ಒಂದು ವೇಳೆ ಅನಾವಶ್ಯಕವಾಗಿ ಮನೆಯಿಂದ ಹೊರ ಬಂದರೆ ಅವರ ಬೈಕ್ ಸೀಜ್ ಮಾಡಲಾಗುವುದು ಎಂದು ಐಗಳಿ ಠಾಣೆಯ ಪಿಎಸ್‌ಐ ಕೆ ಎಸ್ ಕೊಚರಿ ಎಚ್ಚರಿಸಿದ್ದಾರೆ.

ಕೊರೊನಾ ವೈರಸ್ ಕುರಿತು ಜಾಗೃತಿ..

ತೇಲಸಂಗ ಗ್ರಾಮದ ಗಡಿಯಲ್ಲಿ ವಿವಿಧೆಡೆಯಿಂದ ಸ್ವಗ್ರಾಮಕ್ಕೆ ಆಗಮಿಸುತ್ತಿರುವವರಿಗೆ ಕೊರೊನಾ ವೈರಸ್ ಕುರಿತು ಜಾಗೃತಿ ಮೂಡಿಸಿದ ಅವರು, ಪೊಲೀಸ್ ಸೇರಿ ವಿವಿಧ ಇಲಾಖೆಯ ಅಧಿಕಾರಿಗಳು ಹಗಲು-ರಾತ್ರಿ ನಿಮಗಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ ಎಂದ ಅವರು, ಎಲ್ಲವೂ ಕೈಮೀರಿದ ಮೇಲೆ ಚಿಂತೆ ಮಾಡಿದರೆ ಏನೂ ಪ್ರಯೋಜನಕ್ಕೆ ಬರುವುದಿಲ್ಲ ಎಂದರು.ಪಿಡಿಒ ಬೀರಪ್ಪ ಕಡಗಂಚಿ ಮಾತನಾಡಿ, ಸದ್ಯಕ್ಕೆ ಗ್ರಾಮದಲ್ಲಿದ್ದವರು ಮನೆಯಲ್ಲಿಯೇ ಉಳಿಯಿರಿ. ಹೊರಗಿನಿಂದ ಬಂದವರ ಜತೆ ಬೆರೆಯಬೇಡಿ. ಹೊರಗಿನಿಂದ ಗ್ರಾಮಕ್ಕೆ ಬಂದವರು ನಿಮಗಾಗಿ, ನಿಮ್ಮ ಕುಟುಂಬಕ್ಕಾಗಿ ಸ್ವಯಂ ಕ್ವಾರಂಟೈನ್‌ ವಿಧಿಸಿಕೊಳ್ಳಿ. ಏನೇ ಸಮಸ್ಯೆ ಇದ್ದರೂ ದಿನದ 24 ಗಂಟೆಯೂ ನಮ್ಮನ್ನು ಸಂಪರ್ಕಿಸಿ ಎಂದು ಕೋರಿದರು.