ಮರಾಠಿ ಬ್ಯಾನರ್​ನಲ್ಲಿದ್ದ ಶಾಸಕ ಅನಿಲ್ ಬೆನಕೆ ಫೋಟೋಗೆ ಮಸಿ ಎರಚಿದ ಕನ್ನಡ ಪರ ಕಾರ್ಯಕರ್ತೆ

ಮರಾಠಿ ಭಾಷೆಯಲ್ಲಿ ಬ್ಯಾನರ್​ ಅಳವಡಿಸಿದ್ದನ್ನು ವಿರೋಧಿಸಿ ಬೆಳಗಾವಿಯಲ್ಲಿ ಕನ್ನಡ ಪರ ಕಾರ್ಯಕರ್ತೆ ಶಾಸಕರ ಫೋಟೋಗೆ ಮಸಿ ಎರಚಿದ್ದಾರೆ.

ಬೆಳಗಾವಿ : ನಗರದ ಸಂಗೋಳ್ಳಿ ರಾಯಣ್ಣ ವೃತ್ತದಲ್ಲಿ ಮರಾಠಿ ಭಾಷೆಯಲ್ಲಿ ಕ್ರಿಕೆಟ್ ಪಂದ್ಯಾಟದ ಬ್ಯಾನರ್​ ಅಳವಡಿಸಿದ್ದಕ್ಕೆ ಆಕ್ರೋಶ ವ್ಯಕ್ತಪಡಿಸಿದ ಕನ್ನಡ ಪರ ಕಾರ್ಯಕರ್ತೆ ಶಾಸಕ‌ ಅನಿಲ್‌ ಬೆನಕೆ ಫೋಟೋಗೆ ಮಸಿ ಎರಚಿದ್ದಾರೆ.

ನಗರದ ಸಂಗೋಳ್ಳಿ ರಾಯಣ್ಣ ವೃತ್ತದ ಬಳಿ ಶಾಸಕರ ಅನಿಲ್ ಬೆನಕೆ ಫೋಟೋದೊಂದಿಗೆ ಮರಾಠಿ ಭಾಷೆಯಲ್ಲಿ ಕ್ರಿಕೆಟ್ ಪಂದ್ಯಾಟದ ಬ್ಯಾನರ್​ ಒಂದನ್ನು ಅಳವಡಿಸಲಾಗಿತ್ತು. ಇದನ್ನು ನೋಡಿದ ಕನ್ನಡ ಪರ ಕಾರ್ಯಕರ್ತೆ ಕಸ್ತೂರಿಬಾಯಿ‌ ಶಾಸಕ ಅನಿಲ‌ ಬೆನಕೆ ಫೋಟೋಗೆ ಮಸಿ ಎರಚಿದ್ದಾರೆ.

ಬ್ಯಾನರ್​ ಅಳವಡಿಸಲಾಗಿರುವ ಕ್ರಿಕೆಟ್ ಪಂದ್ಯಾಟವನ್ನು ಬೆಳಗಾವಿ ಉತ್ತರ ಕ್ಷೇತ್ರದ ಶಾಸಕ‌ ಅನಿಲ್ ಬೆನಕೆ ನೇತೃತ್ವದಲ್ಲಿ ಆಯೋಜನೆ ಮಾಡಲಾಗಿದೆ ಎನ್ನಲಾಗಿದ್ದು. ಶಾಸಕರ ಹೆಸರಿನಲ್ಲಿ ಅಳವಡಿಸಿರುವ ಬ್ಯಾನರ್​ನಲ್ಲಿ ಕನ್ನಡ ಭಾಷೆಯ ಕಡೆಗಣನೆ ಮಾಡಿರುವುದಕ್ಕೆ ಕನ್ನಡಪರ ಸಂಘಟನೆ ಕಾರ್ಯಕರ್ತರು ಆಕ್ರೋಶ ವ್ಯಕ್ತಪಡಿಸಿದ್ದಾರೆ.