ಏರಿ ಎತ್ತಾ ಐಸಾ... ಸಾರಿಗೆ ಸಚಿವರ ತವರಲ್ಲೇ ಕೆಟ್ಟುನಿಲ್ತಿವೆ ಬಸ್​, ಅರ್ಧಕ್ಕೆ ನಿಂತ ಬಸ್​ ತಳ್ಳಿದ ಜನ: ವಿಡಿಯೋ

ಸಾರಿಗೆ ಸಚಿವ ಹಾಗೂ ಡಿಸಿಎಂ ಲಕ್ಷ್ಮಣ್​ ಸವದಿ ಅವರ ಕ್ಷೇತ್ರ ಅಥಣಿಯಲ್ಲಿ ಸಾರಿಗೆ ಬಸ್​ ವ್ಯವಸ್ಥೆ ಸರಿಯಿಲ್ಲದ ಕಾರಣ ಪ್ರಯಾಣಿಕರು ಖಾಸಗಿ ವಾಹನಗಳ ಮೊರೆ ಹೋಗುತ್ತಿದ್ದಾರೆ.

ಚಿಕ್ಕೋಡಿ:ಸಾರಿಗೆ ಸಚಿವ ಹಾಗೂ ಡಿಸಿಎಂ ಲಕ್ಷ್ಮಣ್​ ಸವದಿ ಅವರ ಕ್ಷೇತ್ರ ಅಥಣಿಯಲ್ಲಿ ಸಾರಿಗೆ ಬಸ್​ ವ್ಯವಸ್ಥೆ ಸರಿಯಿಲ್ಲದ ಕಾರಣ ಪ್ರಯಾಣಿಕರು ಖಾಸಗಿ ವಾಹನಗಳ ಮೊರೆ ಹೋಗುತ್ತಿದ್ದಾರೆ.

ಅಥಣಿಯ ವಾಯುವ್ಯ ಕರ್ನಾಟಕ ಸಾರಿಗೆ ಸಂಸ್ಥೆ ಬಸ್​ಗಳನ್ನ ಹತ್ತಿದ್ರೆ, ಅರ್ಧ ದಾರಿಯಲ್ಲಿ ಇಳಿದು ತಳ್ಳಬೇಕು. ಈ ಸಮಸ್ಯೆ ಈಗಿನದಲ್ಲ. ಕಳೆದ ಹಲವಾರು ತಿಂಗಳಿನಿಂದ ಒಂದಿಲ್ಲೊಂದು ಅವ್ಯವಸ್ಥೆಯಿಂದ ಸಾರಿಗೆ ಬಸ್​ಗಳ ಕಾಟ ತಾಳದೆ, ಇಲ್ಲಿನ ಜನರು ಹೈರಾಣಾಗಿದ್ದಾರೆ‌.

ಸಾರಿಗೆ ಸಚಿವರ ಕ್ಷೇತ್ರದಲ್ಲೇ ಇಂತಹ ಪರಿಸ್ಥಿತಿ ಎದುರಾಗಿದ್ದು ದುರಂತ. ಇನ್ನಾದ್ರೂ, ಸಚಿವರು ಇತ್ತಕಡೆ ಗಮನ ಹರಿಸಿ, ಸೂಕ್ತ ವ್ಯವಸ್ಥೆ ಕಲ್ಪಿಸಬೇಕಿದೆ.