ಬೆಳಗಾವಿ: ತಾಲೂಕಿನ ಸುಳಗಾ ಗ್ರಾಮದಲ್ಲಿ ಕಳೆದ ವಾರ ನವವಿವಾಹಿತೆಯೋರ್ವಳು ಆತ್ಮಹತ್ಯೆ ಮಾಡಿಕೊಂಡಿದ್ದಳು. ಈ ಕುರಿತು ಕಾಕತಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು. ಈ ಕುರಿತು ಪೊಲೀಸರು ತನಿಖೆ ನಡೆಸಿದಾಗ, ಕೇವಲ ಸೋಫಾ ಕೊಡಿಸಲಿಲ್ಲ ಎಂಬ ಕಾರಣಕ್ಕೆ ಆತ್ಮಹತ್ಯೆ ಮಾಡಿಕೊಂಡ ವಿಚಾರ ಬೆಳಕಿಗೆ ಬಂದಿದೆ.
ಡಿಸಿಪಿ ಡಾ. ವಿಕ್ರಮ ಆಮಟೆ
ಕಳೆದ ಮೂರು ತಿಂಗಳ ಹಿಂದೆ ಉಚಗಾಂವ ನಿವಾಸಿಯೊಬ್ಬರ ಜತೆ ಮದುವೆಯಾಗಿತ್ತು. ವಿವಾಹದ ನಂತರ ಮನೆಗೆ ಬಂದ ಮಗಳು ಜ್ಯೋತಿ ಸೋಫಾ ಸೆಟ್ ಕೊಡಿಸುವಂತೆ ತಂದೆಯ ಬಳಿ ಕೇಳಿದ್ದಳು. ಈ ವೇಳೆ ತಂದೆಗೆ ಹಣದ ಸಮಸ್ಯೆ ಇರುವ ಕಾರಣ ಸ್ವಲ್ಪ ದಿನ ಬಿಟ್ಟು ಕೊಡಿಸುವುದಾಗಿ ಹೇಳಿದ್ದರು. ಇದರಿಂದ ಮನನೊಂದ ಜ್ಯೋತಿ ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂಬುದು ತನಿಖೆ ವೇಳೆ ತಿಳಿದು ಬಂದಿದೆ. ಈ ಕುರಿತು ಕಾಕತಿ ಪೊಲೀಸರು ಹೆಚ್ಚಿನ ತನಿಖೆ ನಡೆಸುತ್ತಿದ್ದಾರೆ ಎಂದು ಡಿಸಿಪಿ ಡಾ. ವಿಕ್ರಮ ಆಮಟೆ ತಿಳಿಸಿದ್ದಾರೆ.