ಗಂಜಿ ಕೇಂದ್ರಗಳತ್ತ ಸುಳಿಯದ ನೆರೆ ಸಂತ್ರಸ್ತರು: ಬೆಳಗಾವಿ ಜಿಲ್ಲಾಡಳಿತದ ನಿರ್ಲಕ್ಷ್ಯ ಆರೋಪ

ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಯಡೂರವಾಡಿ ಗ್ರಾಮದಲ್ಲಿ ಪ್ರಾರಂಭಿಸಿರುವ ಪ್ರವಾಹ ನಿರ್ವಹಣೆ ಹಾಗೂ ಗಂಜಿ ಕೇಂದ್ರಗಳ ಸ್ಥಳಕ್ಕೆ ಇಲ್ಲಿಯವರೆಗೆ ಸಂಬಂಧಿಸಿದ ಯಾವೊಬ್ಬ ಅಧಿಕಾರಿಯೂ ಭೇಟಿ ನೀಡಿಲ್ಲ. ಈಗಾಗಲೇ ಇಲ್ಲಿಗೆ ಬೀಗ ಹಾಕಿರುವುದರಿಂದಾಗಿ ಸಂತ್ರಸ್ತರು ಈ ಕಡೆ ಸುಳಿಯದಂತಹ ಪರಿಸ್ಥಿತಿ ನಿರ್ಮಾಣವಾಗಿದೆ.

ಚಿಕ್ಕೋಡಿ:ಬೆಳಗಾವಿ ಜಿಲ್ಲಾಡಳಿತದಿಂದ ಕಾಟಾಚಾರಾದ ಪ್ರವಾಹ ನಿರ್ವಹಣೆ ಹಾಗೂ ಗಂಜಿ ಕೇಂದ್ರಗಳ ಸ್ಥಾಪನೆ ಮಾಡಿದ್ದು, ಗಂಜಿ ಕೇಂದ್ರಕ್ಕೆ ಬೀಗ ಹಾಕಿರುವ ಕಾರಣ ಸಂತ್ರಸ್ತರು ಈ ಕಡೆ ಸುಳಿಯದಂತಹ ಸ್ಥಿತಿ ನಿರ್ಮಾಣವಾಗಿದೆ.

ಬೆಳಗಾವಿ ಜಿಲ್ಲೆಯ ಚಿಕ್ಕೋಡಿ ತಾಲೂಕಿನ ಯಡೂರವಾಡಿ ಗ್ರಾಮದಲ್ಲಿ ಪ್ರಾರಂಭಿಸಿರುವ ಪ್ರವಾಹ ನಿರ್ವಹಣೆ ಹಾಗೂ ಗಂಜಿ ಕೇಂದ್ರಗಳ ಸ್ಥಳಕ್ಕೆ ಇಲ್ಲಿಯವರೆಗೆ ಸಂಬಂಧಿಸಿದ ಯಾವೊಬ್ಬ ಅಧಿಕಾರಿಯೂ ಭೇಟಿ ನೀಡಿಲ್ಲ. ಯಡೂರವಾಡಿ ಗ್ರಾಮದಲ್ಲಿ 300ಕ್ಕೂ ಹೆಚ್ಚು ಜನರನ್ನ ನಿನ್ನೆ ಎಸ್​ಡಿಆರ್​​​ಎಫ್ ತಂಡ ಸ್ಥಳಾಂತರಿಸಿತ್ತು. ಅಧಿಕಾರಿಗಳು ಹಾಗೂ ಸಂತ್ರಸ್ತರ ನಡುವೆ ಹೊಂದಾಣಿಕೆ ಕೊರತೆಯಾಗಿದ್ದು, ಇಷ್ಟು ಸಮಯವಾದರೂ ಕೂಡಾ ಗಂಜಿ‌ ಕೇಂದ್ರದ ಅಧಿಕಾರಿಗಳು ನಿರ್ಲಕ್ಷ್ಯ ವಹಿಸಿರುವುದರಿಂದಾಗಿ ಯಾವುದೇ ಸಂತ್ರಸ್ತರು ಈ ಕಡೆ ಸುಳಿಯದಂತಹ ಸ್ಥಿತಿ ತಲುಪಿದೆ.