ಬೆಳಗಾವಿಯಲ್ಲಿ ಉದ್ಧಟತನದ ಹೇಳಿಕೆ ನೀಡಿದ ಎನ್​ಸಿಪಿ ಶಾಸಕ!

ಬೆಳಗಾವಿಯನ್ನು ಮಹಾರಾಷ್ಟ್ರಕ್ಕೆ ಸೇರಿಸಿ, ನಂತರ ನಾನೇ ಈ ಕ್ಷೇತ್ರದಿಂದ ಸ್ಪರ್ಧಿಸಿ ಗೆಲ್ಲುವುದೇ ನನ್ನ ಮಹಾದಾಸೆ ಎಂದು ಎನ್​​ಸಿಪಿ ಶಾಸಕ ರಾಜೇಶ್​ ಪಾಟೀಲ್ ಉದ್ಧಟತನದ ಹೇಳಿಕೆ ನೀಡಿದ್ದಾರೆ.

ಬೆಳಗಾವಿ: ಮಹಾರಾಷ್ಟ್ರದ ಚಂದಗಡ ಕ್ಷೇತ್ರದ ‌ಎನ್​ಸಿಪಿ ಶಾಸಕ ರಾಜೇಶ್​ ಪಾಟೀಲ್​ ಮತ್ಮೊಮ್ಮೆ ಉದ್ಧಟನದ ಹೇಳಿಕೆ ನೀಡಿ ಕನ್ನಡಿಗರ ಕೆಂಗೆಣ್ಣಿಗೆ ಗುರಿಯಾಗಿದ್ದಾರೆ.

ಎಂಇಎಸ್ ಯುವ ಘಟಕದಿಂದ ಬೆಳಗಾವಿಯಲ್ಲಿ ನಡೆದ ಸತ್ಕಾರ ಸಮಾರಂಭದಲ್ಲಿ ಮಾತನಾಡಿದ ಶಾಸಕ, ಬೆಳಗಾವಿಯನ್ನು‌ ಮಹಾರಾಷ್ಟ್ರಕ್ಕೆ ಸೇರಿಸಿ ಇಲ್ಲಿಂದ ಶಾಸಕನಾಗುವ ಮಹದಾಸೆ ನನ್ನದಿದೆ ಎಂದಿದ್ದಾರೆ.

ಕರ್ನಾಟಕ-ಮಹಾರಾಷ್ಟ್ರ ಗಡಿ ವಿವಾದ ಕುರಿತಾದ ತೀರ್ಪು ಮುಂದಿನ‌ ಐದು ವರ್ಷಗಳಲ್ಲಿ ಹೊರಬರಲಿದೆ. ಆಗ ಬೆಳಗಾವಿ ಸೇರಿದಂತೆ ‌ಗಡಿಪ್ರದೇಶಗಳು ಮಹಾರಾಷ್ಟ್ರಕ್ಕೆ ಸೇರುತ್ತವೆ. ನಾನೇ ಬೆಳಗಾವಿಯಿಂದ ಸ್ಪರ್ಧಿಸಿ ಶಾಸಕನಾಗುವೆ ಎಂಬ ಅತಿರೇಖದ ಹೇಳಿಕೆ ನೀಡಿದ್ದು, ಕನ್ನಡ ಸಂಘಟನೆಗಳ ತೀವ್ರ ಆಕ್ರೋಶಕ್ಕೆ ಕಾರಣವಾಗಿದೆ.