ಬೆಂಗಳೂರು: ಖಾತೆ ಹಂಚಿಕೆ, ಮರು ಹಂಚಿಕೆ ನಂತರ ವಲಸಿಗ ಸಚಿವರಲ್ಲಿ ಅಸಮಾಧಾನ ಸ್ಫೋಟಗೊಂಡು ಸುಧಾಕರ್ ನಿವಾಸದಲ್ಲಿ ಸಭೆ ನಡೆಸುತ್ತಿದ್ದರೂ ಕೂಗಳತೆ ದೂರದಲ್ಲಿರುವ ರಮೇಶ್ ಜಾರಕಿಹೊಳಿ ಮಾತ್ರ ಸಭೆಯತ್ತ ತಿರುಗಿ ನೋಡಿಲ್ಲ.
ಸುಧಾಕರ್ ಟೀಂ ಸಭೆ ಬಗ್ಗೆ ತಲೆ ಕೆಡಿಸಿಕೊಳ್ಳದ ಜಾರಕಿಹೊಳಿ
ಸದಾಶಿವನಗರದ ಸುಧಾಕರ್ ನಿವಾಸದಲ್ಲಿ ಎಂಟಿಬಿ ನಾಗರಾಜ್, ಗೋಪಾಲಯ್ಯ, ನಾರಾಯಣಗೌಡ ಸೇರಿ ಸಭೆ ನಡೆಸುತ್ತಿದ್ದಾರೆ. ಸುಧಾಕರ್ ನಿವಾಸದ ಸಮೀಪದಲ್ಲೇ ಸಚಿವ ರಮೇಶ್ ಜಾರಕಿಹೊಳಿ ನಿವಾಸವಿದ್ದು, ಅಲ್ಲಿನ ನಡೆಯುತ್ತಿರುವ ಸಭೆ ಬಗ್ಗೆ ಜಾರಕಿಹೊಳಿ ಯಾವುದೇ ಉತ್ಸುಕತೆ ತೋರಿಲ್ಲ. ಶಾಸಕ ಸ್ಥಾನಕ್ಕೆ ರಾಜೀನಾಮೆ ಕೊಟ್ಟು ಬಿಜೆಪಿ ಸೇರುವಲ್ಲಿ ರಮೇಶ್ ಜಾರಕಿಹೊಳಿ ಮಹತ್ವದ ಪಾತ್ರ ವಹಿಸಿದ್ದರು. ಬಾಂಬೆ ಟೀಂನಲ್ಲಿ ಲೀಡರ್ ರೀತಿ ಇದ್ದರು. ಆದರೆ, ಈಗ ವಲಸಿಗ ಸಚಿವರು ಅಸಮಾಧಾನಗೊಂಡು ಸಭೆ ನಡೆಸುತ್ತಿದ್ದರೂ ಇತ್ತ ಜಾರಕಿಹೊಳಿ ಮಾತ್ರ ತಲೆ ಹಾಕಿಲ್ಲ.