ವಿಡಿಯೋ ಮಾಡಿ ಗೋಗರೆದರೂ ಉಳಿಯಲಿಲ್ಲ ಪತಿ.. ವೆಂಟಿಲೇಟರ್​ ಇಲ್ಲದೆ ವ್ಯಕ್ತಿ ಸಾವು

ಇತ್ತ ವ್ಯಕ್ತಿಯ ಸಾವಿಗೂ ಮೊದಲು ಆತನ‌ ಹೆಂಡತಿ ತನ್ನ ಗಂಡನನ್ನ ಉಳಿಸಿಕೊಡಿ‌. ವೆಂಟಿಲೇಟರ್ ಬೆಡ್ ಕೊಡಿ ನನ್ನ ಗಂಡನನ್ನ ಕಾಪಾಡಿ ಅಂತಾ ಕಣ್ಣೀರಿಟ್ಟು ಗೋಗರೆದಿದ್ದ ವಿಡಿಯೋ ವೈರಲ್ ಆಗಿತ್ತು.

ಬೆಳಗಾವಿ : ನಗರದ ಬಿಮ್ಸ್ ಆಸ್ಪತ್ರೆ ಸಿಬ್ಬಂದಿ ಬೇಜವಾಬ್ದಾರಿತನಕ್ಕೆ ಖಾನಾಪುರದ 38 ವರ್ಷದ ವ್ಯಕ್ತಿಯೊಬ್ಬರು ವೆಂಟಿಲೇಟರ್ ಇಲ್ಲದೇ ನರಳಿ ನರಳಿ ಸಾವನ್ನಪ್ಪಿರುವ ಅಮಾನವೀಯ ಘಟನೆ ನಡೆದಿದೆ.

ಜಿಲ್ಲೆಯ ಖಾನಾಪುರ ತಾಲೂಕಿನ ಜಾಂಬೋಟಿ ಗ್ರಾಮದ 38 ವರ್ಷದ ವ್ಯಕ್ತಿ ಕೊರೊನಾ‌ ದೃಢವಾಗಿದ್ದ ಹಿನ್ನೆಲೆ ಬಿಮ್ಸ್​​ ಆಸ್ಪತ್ರೆಗೆ ದಾಖಲಾಗಿದ್ದರು. ಆದರೆ, ಸೂಕ್ತ ಸಮಯಕ್ಕೆ ವೆಂಟಿಲೇಟರ್ ಸಿಗದಿದ್ದಕ್ಕೆ ಇಂದು ಬೆಳಗ್ಗೆ ಸಾವನಪ್ಪಿದ್ದಾರೆ ಎಂದು ಕುಟುಂಬಸ್ಥರು ಆರೋಪಿಸಿದ್ದಾರೆ.

ಇತ್ತ ವ್ಯಕ್ತಿಯ ಸಾವಿಗೂ ಮೊದಲು ಆತನ‌ ಹೆಂಡತಿ ತನ್ನ ಗಂಡನನ್ನ ಉಳಿಸಿಕೊಡಿ‌. ವೆಂಟಿಲೇಟರ್ ಬೆಡ್ ಕೊಡಿ ನನ್ನ ಗಂಡನನ್ನ ಕಾಪಾಡಿ ಅಂತಾ ಕಣ್ಣೀರಿಟ್ಟು ಗೋಗರೆದಿದ್ದ ವಿಡಿಯೋ ವೈರಲ್ ಆಗಿತ್ತು. ಕೊನೆಗೂ ಇವರ ಪತಿ ಸರಿಯಾದ ಚಿಕಿತ್ಸೆ ದೊರಕದೆ ಸಾವನ್ನಪ್ಪಿದ್ದಾರೆ ಎಂದು ಆರೋಪಿಸಲಾಗಿದೆ.

ಇದನ್ನೂ ಓದಿ:ಅಥಣಿ ತಾಲೂಕಿಗೆ ಬಾರದ ಕೋವಿಡ್ ಟಾಸ್ಕ್ ಫೋರ್ಸ್: ಗ್ರಾಮಸ್ಥರ ಅಸಮಾಧಾನ