ಐನಾಪುರ ಜಾತ್ರೆಯಲ್ಲಿ ಎಲ್ಲರ ಗಮನ ಸೆಳೆದ ಬಲಾಢ್ಯ ಕೋಣ

ಕಾಗವಾಡ ತಾಲೂಕಿನ ಐನಾಪೂರದ ಶ್ರೀ ಸಿದ್ದೇಶ್ವರ ಜಾತ್ರೆಯಲ್ಲಿ, ಕೋಣವೊಂದು ಎಲ್ಲರ ಗಮನ ಸೆಳೆಯಿತು.

ಚಿಕ್ಕೋಡಿ : ಕಾಗವಾಡ ತಾಲೂಕಿನ ಐನಾಪೂರದ ಶ್ರೀ ಸಿದ್ದೇಶ್ವರ ಜಾತ್ರೆಯಲ್ಲಿ, ಕೋಣವೊಂದು ಎಲ್ಲರ ಗಮನ ಸೆಳೆಯಿತು. ಜಾತ್ರೆಯ ವೈವಿದ್ಯಗಳಿಗೆ ಮೆರಗು ನೀಡುವ ಜಾನುವಾರು ಪ್ರದರ್ಶನದಲ್ಲಿ, ಮುರಾ ಜಾತಿಯ ಬಲಾಢ್ಯ ಕೋಣವೊಂದು ಜಾತ್ರೆಗೆ ಬಂದವರನ್ನು ಕಣ್ಣಾಯಿಸುವಂತೆ ಮಾಡಿತ್ತು. ಐನಾಪೂರ ಗ್ರಾಮದ ಯುವ ರೈತ ಸಿದ್ದೇಶ ಕಾಗಲಿ ಎಂಬುವವರಿಗೆ ಸೇರಿದ ಕೋಣವಾಗಿದ್ದು, ಹರಿಯಾಣದಿಂದ ತಂದು ಸಾಕುತ್ತಿದ್ದಾರೆ.

ಈ ಕೋಣಕ್ಕೆ ಬೆಳಗ್ಗೆ ಎರಡು ಲೀಟರ್ ಹಾಲು, 30 ಕೆ.ಜಿ ಮೇವು ಹಾಗೂ ಪ್ರತಿ ದಿನ ಬೇರೆ ಬೇರೆ ಹಿಂಡಿಗಳನ್ನು ನೀಡಲಾಗುತ್ತದೆ. ಇದರ ದಿನದ ಗಳಿಕೆ ಎರಡರಿಂದ ಮೂರು ಸಾವಿರವಿದ್ದು, ಇದನ್ನು ಈಗಲೇ ಮಾರಾಟ ಮಾಡಿದರೆ ಸುಮಾರು ₹15 ಲಕ್ಷಕ್ಕೂ ಮೇಲ್ಪಟ್ಟು ಮಾರಾಟವಾಗುತ್ತದೆ ಎಂದು ಹೇಳಲಾಗ್ತಿದೆ. ಜಾತ್ರೆಗೆ ಬಂದವರು ಕೋಣವನ್ನ ನೋಡಲು ಮುಗಿಬಿದ್ದಿದ್ದು, ಗಡಿ ಭಾಗದಲ್ಲಿ ಇಂತಹ ಬಲಾಢ್ಯ ಕೋಣವನ್ನು ಕಂಡು ರೈತರು ಸಂತಸಪಟ್ಟರು.