ಚುನಾವಣಾ ಕರ್ತವ್ಯಕ್ಕೆ ನಿಯೋಜನೆಗೊಂಡಿದ್ದ ಅಧಿಕಾರಿ ಬಳಿ ಲೋಡೆಡ್​ ಪಿಸ್ತೂಲ್​​ ಪತ್ತೆ!

ತಾಲೂಕಿನ ದೇಸೂರ ಗ್ರಾಮದ ಚುನಾವಣಾ ಕರ್ತವ್ಯಕ್ಕೆ ನಿಯೋಜನೆಗೊಂಡ ಅಧಿಕಾರಿ ಬಳಿ ಲೋಡೆಡ್​ ಪಿಸ್ತೂಲ್​​ ಪತ್ತೆಯಾಗಿದ್ದು, ಪೊಲೀಸರು ಅದಿಕಾರಿಯನ್ನ ವಶಕ್ಕೆ ಪಡೆದಿದ್ದಾರೆ.

ಬೆಳಗಾವಿ: ಚುನಾವಣಾ ಕರ್ತವ್ಯಕ್ಕೆ ನಿಯೋಜನೆಗೊಂಡಿದ್ದ ಪಿಆರ್‌ಒ (ಪೋಲಿಂಗ್ ರಿಟರ್ನಿಂಗ್ ಆಫೀಸರ್) ಬಳಿ ಲೋಡೆಡ್ ಪಿಸ್ತೂಲ್ ಪತ್ತೆಯಾಗಿದೆ. ತಾಲೂಕಿನ ದೇಸೂರ ಗ್ರಾಮದಲ್ಲಿ ಈ ಘಟನೆ ನಡೆದಿದೆ.

ದೇಸೂರ ಗ್ರಾಮದ ಚುನಾವಣಾ ಕರ್ತವ್ಯಕ್ಕೆ ನಿಯೋಜನೆಗೊಂಡಿದ್ದ ಅಧಿಕಾರಿ ಬಳಿ ನಿನ್ನೆ ರಾತ್ರಿ ಈ ಲೋಡೆಡ್ ಪಿಸ್ತೂಲ್ ಪತ್ತೆಯಾಗಿದೆ. ಪಿಆರ್‌ಒ ಆಗಿದ್ದ ಸುಲೇಮಾನ್ ಸನದಿ ಬಳಿ ಪಿಸ್ತೂಲ್ ‌ಕಂಡುಬಂದಿದೆ. ಮತಗಟ್ಟೆಗೆ ಆಗಮಿಸುವಾಗ ಲೋಡೆಡ್ ಪಿಸ್ತೂಲ್ ಜೊತೆಗೆ ಸುಲೇಮಾನ್ ಸನದಿ ಆಗಮಿಸಿದ್ದರು. ಇದನ್ನು ಗಮನಿಸಿದ ಚುನಾವಣಾ ಸಿಬ್ಬಂದಿ ಪೊಲೀಸರಿಗೆ ಮಾಹಿತಿ ನೀಡಿದ್ದರು.

ಪೊಲೀಸರು ವಶಕ್ಕೆ ಪಡೆದು ಪಿಸ್ತೂಲಿನಲ್ಲಿದ್ದ ಗುಂಡನ್ನು ಹೊರತೆಗೆಸಿದ್ದಾರೆ. ಬಳಿಕ ಸುಲೇಮಾನ್ ಸನದಿ ಅವರನ್ನು ಪೊಲೀಸರು ತೀವ್ರ ವಿಚಾರಣೆ ನಡೆಸಿದ್ದಾರೆ. ಈ ಬಗ್ಗೆ ಚುನಾವಣಾಧಿಕಾರಿಗೆ ಮಾಹಿತಿ ನೀಡಿ ಪಿಆರ್‌ಒ ಬದಲಾವಣೆ ಮಾಡಲಾಗಿದೆ.