ಸರ್ಕಾರದ ದ್ವಂದ್ವ ನೀತಿಯಿಂದ ಸರ್ಕಾರಿ ‌ನೌಕರರ ಪರದಾಟ

ಸರ್ಕಾರ ರಜೆ ನೀಡದ ಕೆಲವು ಇಲಾಖೆಗಳ ನೌಕರರು ಕೆಲಸಕ್ಕೆ ತೆರಳಲು ಬಸ್​​ ಇಲ್ಲದೇ ಬೆಳಗಾವಿ ನಿಲ್ದಾಣದಲ್ಲಿ ಪರದಾಡುವಂತಾಗಿದೆ.

ಬೆಳಗಾವಿ:‌ಜಿಲ್ಲೆಯಲ್ಲಿ‌ ಇಂದು ಲಾಕ್‌ ಡೌನ್‌ ಹಿನ್ನೆಲೆಯಲ್ಲಿ ಇಲ್ಲಿಂದ ಇತರ ತಾಲೂಕುಗಳಿಗೆ ಹೊರಡುವ ಬಸ್ ಸಂಚಾರ ಸಂಪೂರ್ಣ ಬಂದ್ ಆಗಿದ್ದು ಸರ್ಕಾರಿ‌ ನೌಕರರು ನಿಲ್ದಾಣದಲ್ಲಿಯೇ ಬಸ್​​ಗಾಗಿ ಕಾಯುವಂತಾಗಿದೆ.

ಸರ್ಕಾರದ ಕೆಲವೊಂದು‌ ಇಲಾಖೆ ನೌಕರರಿಗೆ ರಜೆ ಘೋಷಣೆ ಮಾಡದ ಹಿನ್ನೆಲೆಯಲ್ಲಿ ನೌಕರರು ಡ್ಯೂಟಿಗೆ ತೆರಳಲು ಆಗದೇ ಇತ್ತ ಮನೆಗೆ ತೆರಳಲು ಆಗದೇ ಇಂದು ಬೆಳಗ್ಗೆ 6ರಿಂದಲೇ ಬಸ್​​ ನಿಲ್ದಾಣದಲ್ಲಿ ಪರದಾಡಿದ್ದಾರೆ.

ಆರೋಗ್ಯ ಇಲಾಖೆ, ಬ್ಯಾಂಕ್ ಅಧಿಕಾರಿಗಳು ಹಾಗೂ ಪಶುಸಂಗೋಪನೆ ಇಲಾಖೆ ಸೇರಿದಂತೆ ಇತರ ಸರ್ಕಾರಿ ಸೇವೆ ಸಲ್ಲಿಸುವ ಸಿಬ್ಬಂದಿ ಜಿಲ್ಲೆಯ ಸವದತ್ತಿ, ಬೈಲಹೊಂಗಲ, ಗೋಕಾಕ, ಕಿತ್ತೂರು ಸೇರಿದಂತೆ ವಿವಿಧ ತಾಲೂಕುಗಳ ಕೆಲಸಕ್ಕೆ ತೆರಳಬೇಕಿದ್ದ ನೌಕರರು ಪರದಾಡುವಂತಾಗಿದೆ.