ಸಲ್ಲೇಖನ ವ್ರತ ಮಾಡಿ ದೇಹಪರಿತ್ಯಾಗ ಮಾಡಿದ ಜೈನ ಮುನಿ ಶ್ರೀ ಚಿನ್ಮಯಸಾಗರ ಮಹಾರಾಜ

ಯಮ ಸಲ್ಲೇಖನ ವ್ರತ ಕೈಗೊಂಡಿದ್ದ ಜೈನ ಮುನಿ ಶ್ರೀ ಚಿನ್ಮಯಸಾಗರ ಮಹಾರಾಜರು ಇಂದು ಇಹಲೋಕ ತ್ಯಜಿಸಿದ್ದಾರೆ.

ಚಿಕ್ಕೋಡಿ:ಕಳೆದ 7 ದಿನಗಳಿಂದ ಯಮ ಸಲ್ಲೇಖನ ವ್ರತ ಕೈಗೊಂಡಿದ್ದ ಜೈನಮುನಿ ಜಂಗಲ್​ ವಾಲೆ ಬಾಬಾ ಅಂತಾನೆ ಖ್ಯಾತಿ ಪಡೆದಿದ್ದ ಶ್ರೀ ಚಿನ್ಮಯಸಾಗರ ಜೈನ ಮುನಿ ಇಹಲೋಕ ತ್ಯಜಿಸಿದ್ದಾರೆ.

ಬೆಳಗಾವಿ ಜಿಲ್ಲೆಯ ಕಾಗವಾಡ ತಾಲೂಕಿನ ಜುಗುಳ ಗ್ರಾಮದಲ್ಲಿ ಕೊನೆಯುಸಿರೆಳೆದಿರುವ ಜೈನ ಮುನಿ ಚಿನ್ಮಯಸಾಗರ ಮಹಾರಾಜರು ಸೆಪ್ಟಂಬರ್​ 19 ರಿಂದ ಅಕ್ಟೋಬರ್ 12 ರ ರವರೆಗೆ ಊಟ ತ್ಯಜಿಸಿ ನೀರು ಮಾತ್ರ ಸೇವನೆ ಮಾಡುತ್ತಿದ್ದರು. ಬಳಿಕ ಅಕ್ಟೋಬರ್ 12 ರಿಂದ 18 ರ ವರೆಗೆ ನೀರನ್ನು ಸಹ ತ್ಯಜಿಸಿ ಯಮ ಸಲ್ಲೇಖನ ವ್ರತಕ್ಕೆ ಕುಳಿತಿದ್ದ ಮುನಿ ಚಿನ್ಮಯಸಾಗರ ಇಂದು ವಿಧಿವಶರಾಗಿದ್ದಾರೆ.