ಅಥಣಿ:ಕೃಷ್ಣಾ ನದಿ ಪ್ರವಾಹಕ್ಕೆ ಸಿಲುಕಿರುವ ನೆರೆ ಸಂತ್ರಸ್ತರ ಭೇಟಿ ಮಾಡಿ ಅಹವಾಲು ಸ್ವೀಕಾರಕ್ಕೆ ಅಥಣಿ ತಾಲೂಕಿನ ಗ್ರಾಮಗಳಿಗೆ ಇಂದು ಮಾಜಿ ಮುಖ್ಯಮಂತ್ರಿ ಹೆಚ್ ಡಿ ಕುಮಾರಸ್ವಾಮಿ ಭೇಟಿ ನೀಡುವುದಾಗಿ ಭರವಸೆ ನೀಡಿದ್ರು. ಆದರೆ, ಆ ಗ್ರಾಮಗಳಿಗೆ ಭೇಟಿ ನೀಡದೆ ಇರುವುದು ಅಲ್ಲಿನ ಜನರ ಆಕ್ರೋಶಕ್ಕೆ ಕಾರಣವಾಗಿದೆ.
ಹುಲಗಬಾಳಿ ಗ್ರಾಮದಲ್ಲಿ ಜನರು ಮಧ್ಯಾಹ್ನದಿಂದ ಕಾಯುತ್ತಾ ಕುಳಿತ್ತಿದ್ದರು. ಸಂಜೆ ವೇಳೆಯಾದರು ಮಾಜಿ ಮುಖ್ಯಮಂತ್ರಿ ಹೆಚ್ ಡಿ ಕುಮಾರಸ್ವಾಮಿ ಆಗಮಿಸದಿರುವುದನ್ನು ತಿಳಿದು ಸಂಜೆ 5 ಗಂಟೆ ವಾಪಾಸ್ಸಾಗಿದ್ದಾರೆ.
ಮನವಿ ಪತ್ರ ಹಿಡಿದುಕೊಂಡು ಕಾಯುತ್ತಾ ನಿಂತ ಜನತೆ, ಅಸಮಾಧಾನ ವ್ಯಕ್ತಪಡಿಸಿದರು. ಕೆಲವರು ದೂರದ ಗ್ರಾಮಳಿಂದ ಕುಮಾರಸ್ವಾಮಿ ಅವರ ಬಳಿ ನೆರೆ ಅವಾಂತರದ ಕಷ್ಟ ಹೇಳಿಕೊಳ್ಳಲು ಬಂದಿದ್ದರು. ಆದರೆ, ಹೆಚ್ಡಿಕೆ ಬಾರದ ಹಿನ್ನೆಲೆ ದಾರಿ ಕಾದು ಕಾದು ವಾಪಸು ಹೋಗುತ್ತಿದ್ದಾರೆ.
