ಕುಂದಾನಗರಿ ಬೆಳಗಾವಿಯಲ್ಲೂ ಕಳೆಗಟ್ಟಿದೆ ಶಿವರಾತ್ರಿ ಸಂಭ್ರಮ

ಬೆಳಗಾವಿಯ ಶಿವ ದೇವಾಲಯಗಳಲ್ಲಿ ವಿಷಕಂಠನಿಗೆ ವಿಶೇಷ ಪೂಜೆ ಪುನಸ್ಕಾರಗಳು ನೆರವೇರಿದವು.

ಬೆಳಗಾವಿ: ಕುಂದಾನಗರಿ ಬೆಳಗಾವಿಯಲ್ಲೂ ಶಿವರಾತ್ರಿ ಕಳೆಗಟ್ಟಿದೆ. ಸಹಸ್ರಾರು ಭಕ್ತಗಣ ದೇವಸ್ಥಾನಕ್ಕೆ‌ ಭೇಟಿ ನೀಡಿ ಶಿವನ ಕೃಫೆಗೆ ಪಾತ್ರರಾದರು.

ಶಾಹುನಗರ, ಟಿಳಕವಾಡಿ, ಭಾಗ್ಯನಗರ, ಕಪಿಲೇಶ್ವರ ಸೇರಿದಂತೆ ‌ಇನ್ನಿತರ ಪ್ರದೇಶಗಳಲ್ಲಿ ಇರುವ ಶಿವಾಲಯಗಳಲ್ಲಿ ವಿಶೇಷ ‌ಪೂಜೆ ಆಯೋಜಿಸಲಾಗಿತ್ತು. ಮಹಾನಗರದ ಎಲ್ಲಾ ಶಿವಾಲಯ ಹಾಗೂ ಇನ್ನಿತರ ಧಾರ್ಮಿಕ ‌ಕೇಂದ್ರಗಳನ್ನು ಹೂವಿನಿಂದ ಅಲಂಕಾರಗೊಳಿಸಲಾಗಿತ್ತು. ಶಿವರಾತ್ರಿ ನಿಮಿತ್ತ ಅನ್ನಪ್ರಸಾದ ವಿತರಣೆ, ಶಿವನಾಮಸ್ಮರಣೆ ಹಾಗೂ ವಿವಿಧ ಕಾರ್ಯಕ್ರಮಗಳು‌ ನಡೆದವು.

ಇನ್ನೂ ವಿಶೇಷ ಪೂಜೆಯ ನಂತರಸರದಿ‌ ಸಾಲಿನಲ್ಲಿ‌ ನಿಂತು‌ ಭಕ್ತರು‌ ಶಿವನ ದರ್ಶನ ಪಡೆದರು. ಸಂಜೆ‌ ಕೂಡ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿವೆ.