ನೆರೆ ಹಾವಳಿ ಮಧ್ಯೆ ಕುಂದದ ಸಡಗರ: ಅಥಣಿಯಲ್ಲಿ ಬೆಳಕಿನ ಹಬ್ಬದ ಸಂಭ್ರಮ

ಬೆಳಗಾವಿ ಜಿಲ್ಲೆಯ ಅಥಣಿ ತಾಲೂಕಿನಲ್ಲಿ ಕಳೆದೆರಡು ತಿಂಗಳಿಂದ ನೆರೆ ಹಾವಳಿಯಿಂದ ಬದುಕು ದುಸ್ತರವಾಗಿದ್ದರೂ ದೀಪಾವಳಿಯ ಸಡಗರ ಮಾತ್ರ ಕಳೆಗುಂದಿಲ್ಲ.

ಬೆಳಗಾವಿ: ಜಿಲ್ಲೆಯ ಬಹುತೇಕ ಗ್ರಾಮಗಳಲ್ಲಿ ಪ್ರವಾಹದಿಂದ ಜನರು ತತ್ತರಿಸಿ ಹೋಗಿದ್ದಾರೆ. ಕಳೆದೆರಡು ತಿಂಗಳಿಂದ ನೆರೆಗೆ ಬದುಕು ದುಸ್ತರವಾಗಿದ್ದರೂ ದೀಪಾವಳಿಯ ಸಡಗರ ಮಾತ್ರ ಕಳೆಗುಂದಿಲ್ಲ.

ಅಥಣಿ ತಾಲೂಕಿನಲ್ಲಿ ದೀಪಾವಳಿ ಹಬ್ಬವನ್ನು ಸಡಗರ, ಸಂಭ್ರಮದಿಂದ ಆಚರಿಸಲಾಯಿತು. ನೆರೆಯಿಂದಾದ ನೋವೆಲ್ಲಾ ಮರೆತು ಸಂತೋಷದಿಂದ ಲಕ್ಷ್ಮೀ ಪೂಜೆ ಮಾಡಿ ಬೆಳಕಿನ ಹಬ್ಬವನ್ನು ಸಂಭ್ರಮಿಸಿದರು.