ಕಟಾವಿನಲ್ಲಿ ಸಾಧನೆ: 2 ಟ್ರ್ಯಾಕ್ಟರ್​​ಗಳಲ್ಲಿ 53 ಟನ್ ಕಬ್ಬು ಹೇರಿದ ರೈತರು!

ಬೆಳಗಾವಿ ಜಿಲ್ಲೆಯ ಅಥಣಿ ತಾಲೂಕಿನ ಹುಲಗಬಾಳ ಗ್ರಾಮದ ರೈತ ಶುಭಾಸ ಬೊರನ್ನವರ ಎಂಬುವವರು 53 ಟನ್ ಕಬ್ಬನ್ನು ಕೇವಲ ಎರಡು ಟ್ರ್ಯಾಕ್ಟರ್​ಗಳಲ್ಲಿ ಸಾಗಾಣಿಕೆ ಮಾಡಿ ನುರಿಸಲು ಮುಂದಾಗಿದ್ದಾರೆ.

ಚಿಕ್ಕೋಡಿ: ಕೆಲ ರೈತರು ಸ್ವಲ್ಪ ಜಮೀನಿನಲ್ಲಿ ಹೆಚ್ಚಿನ ಬೆಳೆ ತೆಗೆದು ಇತರ ರೈತರಿಗೆ ಮಾದರಿಯಾಗಿರುವುದನ್ನು ನೋಡಿದ್ದೇವೆ. ಆದರೆ ಈ ರೈತ ಮಾತ್ರ ಕಬ್ಬು ಕಟಾವು ಮಾಡಿ ಒಂದೇ ದಿನದಲ್ಲಿ 53 ಟನ್ ಕಬ್ಬನ್ನು ನುರಿಸಲು ಮುಂದಾಗಿದ್ದಾರೆ.

ಹೌದು, ಬೆಳಗಾವಿ ಜಿಲ್ಲೆಯ ಅಥಣಿ ತಾಲೂಕಿನ ಹುಲಗಬಾಳ ಗ್ರಾಮದ ರೈತ ಶುಭಾಸ ಬೊರನ್ನವರ ಎಂಬುವವರು 53 ಟನ್ ಕಬ್ಬನ್ನು ಕೇವಲ ಎರಡು ಟ್ರ್ಯಾಕ್ಟರ್​ ಮೂಲಕ ಸಾಗಾಣಿಕೆ ಮಾಡಿ ಸಾಧನೆ ಮಾಡಲು ಹೊರಟಿದ್ದಾರೆ.

ಇವರಿಗೆ ತಮ್ಮ ಕಬ್ಬಿನ ಗ್ಯಾಂಗಿನಲ್ಲಿರುವ ರೈತರು ಕೂಡ ಸಾಥ್​ ನೀಡಿದ್ದು, ಈ ಟ್ರ್ಯಾಕ್ಟರ್​ಗಳಲ್ಲಿ ಕಬ್ಬು ಭರ್ತಿ ಮಾಡಲು 24 ಗಂಟೆ ಕಾಲಾವಕಾಶ ತೆಗೆದುಕೊಂಡು ಅತಿ ಹೆಚ್ಚು ಕಬ್ಬು ಭರ್ತಿ ಮಾಡಿ ಹುಲಗಬಾಳದಿಂದ 40 ಕಿಲೋ ಮೀಟರ್​ ಅಂತರದಲ್ಲಿರುವ ಕಾಗವಾಡ ತಾಲೂಕಿನ ಉಗಾರ ಸಕ್ಕರೆ ಕಾರ್ಖಾನೆಗೆ ಸಾಗಿಸಿದ್ದಾರೆ.