ಚಿಕ್ಕೋಡಿ :ಮಹಾರಾಷ್ಟ್ರ ರಾಜ್ಯದ ಸತಾರ ಸಮೀಪದ ಪುಣೆ-ಬೆಂಗಳೂರು ರಾಷ್ಟ್ರೀಯ ಹೆದ್ದಾರಿ 4ರಲ್ಲಿ ಖಾಸಗಿ ಬಸ್ ಮತ್ತು ಟ್ರಕ್‌ ನಡುವೆ ಭೀಕರ ಅಪಘಾತ ಸಂಭವಿಸಿದ್ದು ಸ್ಥಳದಲ್ಲೇ ಆರು ಜನ ಸಾವನ್ನಪ್ಪಿದ ಘಟನೆ ನಡೆದಿದೆ.
ಘಟನೆಯಲ್ಲಿ ಹತ್ತಕ್ಕೂ ಹೆಚ್ಚು ಜನರಿಗೆ ಗಂಭೀರ ಗಾಯವಾಗಿದ್ದು, ಸ್ಥಳೀಯ ಆಸ್ಪತ್ರಗೆ ದಾಖಲಿಸಲಾಗಿದೆ. ಬೆಳಗಾವಿ ನಗರ ಅನಗೋಳನ ಅಬ್ಬಾಸ ಅಲಿ ಕಾಟಗಿ (43), ವಡಗಾಂವಿಯ ರವೀಂದ್ರ ಕರೇಂಗಾರ (45), ಬೆಳಗಾವಿ ಜಿಲ್ಲೆಯ ಹುಕ್ಕೇರಿ ತಾಲೂಕಿನ ಸಂಕೇಶ್ವರದ ಬಸವಂತ ಗಲ್ಲಿಯ ವಿಶ್ವನಾಥ ವಿರೂಪಾಕ್ಷಿ ಗಡ್ಡಿ (58), ಡಾ. ಸಚೀನ್ ಗೋಂಡಾ ಹಾಗೂ ಮಹಾದ ಸಾತಾರಾ ಜಿಲ್ಲೆಯ ಜಾವಳಿ ತಾಲೂಕಿನ ದೇವೇವಾಡಿ ಗ್ರಾಮದ ಅಶೋಕ ರಾಮಚಂದ್ರ ಜುನಘರೆ (50) ಎಂದು ತಿಳಿದು ಬಂದಿದ್ದು ಇನ್ನೂ ಒಬ್ಬರ ಗುರುತು ಪತ್ತೆ ಆಗಿಲ್ಲ.