ರಾಮದುರ್ಗದಲ್ಲಿ ಬುಲೆರೋ ಸೇರಿ ಎರಡು ಬೈಕ್​ಗಳಿಗೆ ದುಷ್ಕರ್ಮಿಗಳಿಂದ ಬೆಂಕಿ

ಮನೆ ಮುಂದೆ ನಿಲ್ಲಿಸಿದ್ದ ಬುಲೆರೋ ವಾಹನ ಹಾಗೂ 2 ಬೈಕುಗಳಿಗೆ ಕಿಡಿಗೇಡಿಗಳು ಬೆಂಕಿ ಇಟ್ಟಿರುವ ಘಟನೆ ಬೆಳಗಾವಿ ಜಿಲ್ಲೆಯ ರಾಮದುರ್ಗ ಪಟ್ಟಣದಲ್ಲಿ ನಡೆದಿದೆ. ದುಷ್ಕರ್ಮಿಗಳು ತಡರಾತ್ರಿ ವಿಕೃತಿ ಮೆರೆದು ಪರಾರಿಯಾಗಿದ್ದಾರೆ.

ಬೆಳಗಾವಿ:ಮನೆ ಮುಂದೆ ನಿಲ್ಲಿಸಿದ್ದ ಬುಲೆರೋ ವಾಹನ ಹಾಗೂ 2 ಬೈಕುಗಳಿಗೆ ಕಿಡಿಗೇಡಿಗಳು ಬೆಂಕಿ ಇಟ್ಟಿರುವ ಘಟನೆ ಜಿಲ್ಲೆಯ ರಾಮದುರ್ಗ ಪಟ್ಟಣದಲ್ಲಿ ನಡೆದಿದೆ.

ದುಷ್ಕರ್ಮಿಗಳು ತಡರಾತ್ರಿ ವಿಕೃತಿ ಮೆರೆದು ಪರಾರಿಯಾಗಿದ್ದಾರೆ. ರಾಮದುರ್ಗ ಪಟ್ಟಣದ ಪರಶು ಬೇಡಗೆ ಎಂಬುವವರಿಗೆ ಸೇರಿದ ಬೊಲೆರೋ, ಅಮಿತ ಪೇಠೆ ಹಾಗೂ ದಾನೇಶ ಯಾದವಾಡ ಎಂಬುವರಿಗೆ ಸೇರಿದ ಬೈಕ್​​ಗಳು ಸುಟ್ಟು ಕರಕಲಾಗಿವೆ. ಏಕಕಾಲಕ್ಕೆ ಎರಡು ಬೈಕ್ ಸೇರಿ ಬುಲೆರೋಗೆ ಬೆಂಕಿ ಇಡಲಾಗಿದ್ದು, ಬುಲೆರೋ ಅರ್ಧ ಭಾಗ ಸುಟ್ಟು, ಬೈಕ್​ಗಳು ಸಂಪೂರ್ಣ ‌ಭಸ್ಮವಾಗಿವೆ.

ಕುಡಿದ ಮತ್ತಿನಲ್ಲಿ ದುಷ್ಕರ್ಮಿಗಳು ಕೃತ್ಯ ನಡೆಸಿರುವ ಶಂಕೆ ವ್ಯಕ್ತವಾಗಿದ್ದು, ಸ್ಥಳಕ್ಕೆ ರಾಮದುರ್ಗ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.