ಅಥಣಿ(ಬೆಳಗಾವಿ): ಗಡಿ ವಿಚಾರವಾಗಿ ಮಹಾರಾಷ್ಟ್ರ ರಾಜ್ಯದ ಕೆಲವು ಸಂಘಟನೆಗಳು ಗಡಿಯಲ್ಲಿ ವಿವಾದ ಹಬ್ಬಿಸಿವೆ. ಶಾಂತಿ ಸುವ್ಯವಸ್ಥೆಗೆ ಧಕ್ಕೆ ತಂದ ಹಿನ್ನೆಲೆಯಲ್ಲಿ ನಿಪ್ಪಾಣಿಯಲ್ಲಿ ಎರಡು ರಾಜ್ಯಗಳ ಉನ್ನತ ಮಟ್ಟದ ಪೊಲೀಸ್ ಅಧಿಕಾರಿಗಳ ಸಭೆ ನಡೆಯುತ್ತಿದೆ.
ರಾಜ್ಯದ ಗಡಿ ಹೊಂದಿರುವ ನಿಪ್ಪಾಣಿಯಲ್ಲಿ ಎಡಿಜಿಪಿ ಅಲೋಕ್ ಕುಮಾರ್ ನೇತೃತ್ವದಲ್ಲಿ ಕರ್ನಾಟಕ ಹಾಗೂ ಮಹಾರಾಷ್ಟ್ರದ ಉನ್ನತ ಮಟ್ಟದ ಪೊಲೀಸ್ ಅಧಿಕಾರಿಗಳ ಸಭೆ ಶುರುವಾಗಿದೆ. ಆನ್ಲೈನ್ ಮೂಲಕ ಮಹಾರಾಷ್ಟ್ರದ ಕೊಲ್ಲಾಪುರ ಐಜಿಪಿ, ಎಸ್ಪಿ ಸಾಂಗಲಿ, ಬೆಳಗಾವಿ ಐಜಿ, ಕಮಿಷನರ್, ಎಸ್ಪಿ ಹಾಗೂ ಗಡಿಭಾಗದ ಎಲ್ಲಾ ಡಿವೈಎಸ್ಪಿ ಸಭೆಯಲ್ಲಿದ್ದಾರೆ.