ರಸ್ತೆ ಮೇಲೆ ಚಿತ್ರ ಬಿಡಿಸಿ ಕೊರೊನಾ ಕುರಿತು ಕುಂದಾನಗರಿ ಪೊಲೀಸರಿಂದ ಜಾಗೃತಿ

ಬೆಳಗಾವಿಯಲ್ಲಿ ಸಾರ್ವಜನಿಕರು ರಸ್ತೆಗೆ ಬರದಂತೆ ಸೂಚನೆ ನೀಡುವ ಬರಹಗಳ ಚಿತ್ರವನ್ನ ಪೊಲೀಸರು ದಾರಿಯ ಮೇಲೆ ಬಿಡಿಸುತ್ತಿದ್ದಾರೆ.

ಬೆಳಗಾವಿ: ನಗರದ ರಸ್ತೆಗಳ ಮೇಲೆ ಪೊಲೀಸರು ಕೊರೊನಾ ವೈರಸ್ ಕುರಿತು ಚಿತ್ರ ಬಿಡಿಸುವ ಮೂಲಕ ಜಾಗೃತಿ ಮೂಡಿಸುತ್ತಿದ್ದಾರೆ.

ಸಾರ್ವಜನಿಕರು ರಸ್ತೆಗೆ ಬರದಂತೆ ಸೂಚನೆ ನೀಡುವ ಬರಹಗಳ ಚಿತ್ರ ಬಿಡಿಸಲಾಗುತ್ತಿದೆ. ನಗರದ ಉದ್ಯಮಬಾಗ ಠಾಣಾ ವ್ಯಾಪ್ತಿಯ ರಸ್ತೆಗಳಲ್ಲಿ ಈ ರೀತಿ ಚಿತ್ರ ಬಿಡಿಸಿ ಸಾರ್ವಜನಿಕರು ಹೊರಗಡೆ ಬರದಂತೆ ಜನಜಾಗೃತಿ ಮೂಡಿಸುತ್ತಿರುವುದು ಎಲ್ಲರ ಪ್ರಶಂಸೆಗೆ ಕಾರಣವಾಗಿದೆ.

ರಸ್ತೆ ಮೇಲೆ ‘ಕೊರೊನಾ ಡೇಂಜರ್​.. ನನ್ನಿಂದ ದೂರವಿರಿ’ ಎಂದು ಬರೆದು ಕೊರೊನಾ ಚಿತ್ರ ಬಿಡಿಸಿದ್ದಾರೆ. ಉದ್ಯಮಬಾಗ ಸಿಪಿಐ ದಯಾನಂದ ಶೇಗುಣಸಿ ಹಾಗೂ ಸಿಬ್ಬಂದಿ ವಿಭಿನ್ನ ರೀತಿಯಲ್ಲಿ ಕೋವಿಡ್​-19 ಕುರಿತು ಜಾಗೃತಿ ಮೂಡಿಸುತ್ತಿದ್ದಾರೆ.