ಅಯೋಧ್ಯಾ ಮಹತ್ವದ ತೀರ್ಪು ಹಿನ್ನೆಲೆ ಬಸ್‌ಗಳ ಸಂಚಾರ ಸಂಖ್ಯೆ ವಿರಳ : ಸಾರ್ವಜನಿಕರು ಪರದಾಟ

ಅಯೋಧ್ಯಾ ತೀರ್ಪಿನ ಹಿನ್ನೆಲೆಯಲ್ಲಿ ಪೊಲೀಸ್ ಇಲಾಖೆಯ ಸೂಚನೆ ಮೇರೆಗೆ ಬಸ್ ಸಂಚಾರ ಸೇವೆ ಕಡಿಮೆಗೊಳಿಸಿದ ಸಾರಿಗೆ ಇಲಾಖೆ, ಚಿಕ್ಕೋಡಿ, ನಿಪ್ಪಾಣಿ, ಕಾಗವಾಡ, ಅಥಣಿ, ಗೋಕಾಕ್​​ಗೆ ಹೋಗುವ ಬಸ್‌ಗಳ ಸಂಖ್ಯೆಯಲ್ಲಿ ಕಡಿತ ಮಾಡಿದೆ.

ಚಿಕ್ಕೋಡಿ/ಅಥಣಿ :ಅಯೋಧ್ಯಾ ತೀರ್ಪಿನ ಹಿನ್ನೆಲೆಯಲ್ಲಿ ಪೊಲೀಸ್ ಇಲಾಖೆಯ ಸೂಚನೆ ಮೇರೆಗೆ ಸಾರಿಗೆ ಇಲಾಖೆ, ಚಿಕ್ಕೋಡಿ, ನಿಪ್ಪಾಣಿ, ಕಾಗವಾಡ, ಅಥಣಿ, ಗೋಕಾಕ್​​​ಗೆ ಹೋಗುವ ಬಸ್‌ಗಳ ಸಂಖ್ಯೆಯಲ್ಲಿ ಕಡಿತ ಮಾಡಿದೆ.

ಅಯೋಧ್ಯಾ ತೀರ್ಪಿನ ಹಿನ್ನೆಲೆಯಲ್ಲಿ ಸಾಧಕ ಬಾದಕ ಅರಿತ ತಾಲೂಕು ಆಡಳಿತ ಮುಂಜಾಗ್ರತ ಕ್ರಮವಾಗಿ ಬಸ್​ ಸಂಚಾರ ಬಂದ್ ಮಾಡಲಾಗಿದ್ದು, ಮಹಾರಾಷ್ಟ್ರ ಕಡೆ ಹೋದ ಬಸ್​​​ಗಳನ್ನ ಆಯಾ ಬಸ್ಟ್ಯಾಂಡ್​​ಗಳಲ್ಲಿ ನಿಲ್ಲಿಸುವಂತೆ ಸೂಚನೆ ನೀಡಿದ್ದಾರೆ ಎಂದು ಅಥಣಿ ಕೆಎಸ್ಆರ್​​ಟಿಸಿ ಡಿಪೋ ಅಧಿಕಾರಿ ಬಸವರಾಜ ಜಗದಾಳ ಈ ಟಿವಿ ಭಾರತ ಜೊತೆ ದೂರವಾಣಿ ಮೂಲಕ ಪ್ರತಿಕ್ರಿಯೆ ನೀಡಿದ್ದಾರೆ.

ಇನ್ನು ಸುಮಾರು 350ಕ್ಕೂ ಹೆಚ್ಚು ಬಸ್​ಗಳನ್ನು ಡಿಪೋದಲ್ಲೇ ತಡೆ ಹಿಡಿದ ಸಾರಿಗೆ ಇಲಾಖೆ, ಯಾವುದೇ ಅಹಿತಕರ ಘಟನೆ ನಡೆಯದಂತೆ ಮುನ್ನೆಚ್ಚರಿಕೆ ಕ್ರಮವಹಿಸಿದೆ. ಈಗಾಗಲೇ ಎಂದಿನಂತೆ ಮಹಾರಾಷ್ಟ್ರದ ಪುಣೆ, ಸಾಂಗ್ಲಿ, ಕೊಲ್ಹಾಪುರಕ್ಕೆ ಹೊರಟಿರುವ ರಾಜ್ಯ ಸಾರಿಗೆ ಬಸ್​​ಗಳ ಪರಿಸ್ಥಿತಿ ನೋಡಿಕೊಂಡು ಅವುಗಳನ್ನು ಸಹ ಮಹಾರಾಷ್ಟ್ರದಲ್ಲೇ ತಡೆ ಹಿಡಿಯುವ ಮಾಹಿತಿಯನ್ನು ಡಿವಿಜನ್ ಕಂಟ್ರೋಲರ್ ಶಶಿಧರ ನೀಡಿದ್ದಾರೆ.

ಇನ್ನು ಚಿಕ್ಕೋಡಿಯಿಂದ ಹೊರ ಹೋಗುವ ಬಸ್​ಗಳ ಸಂಖ್ಯೆ ಕಡಿಮೆಯಾಗಿದ್ದರಿಂದ ಪ್ರಯಾಣಿಕರು ಪರದಾಟ ಪಡುವಂತಾಗಿದೆ.