ಬೆಳಗಾವಿಯಲ್ಲಿ ಒಂದೇ ದಿನ 11 ಪಾಸಿಟಿವ್; ಕೊರೊನಾ ಪೀಡಿತರ ಸಂಖ್ಯೆ 85

ಬೆಳಗಾವಿ ‌ತಾಲೂಕಿನ‌ ಹಿರೇಬಾಗೇವಾಡಿ ‌ಗ್ರಾಮದ 10 ಜನರಲ್ಲಿ ಹಾಗೂ ರಾಯಭಾಗ ತಾಲೂಕಿನ ಕುಡಚಿ ಪಟ್ಟಣದ ಓರ್ವರಲ್ಲಿ ಕೊರೊನಾ ಸೋಂಕು ದೃಢಪಟ್ಟಿದೆ.

ಬೆಳಗಾವಿ:ಒಂದೇ ದಿನಕ್ಕೆ‌‌ 11 ಜನರಲ್ಲಿ ‌ಕೊರೊನಾ ಸೋಂಕು ‌ಪತ್ತೆಯಾಗಿದ್ದು, ಗಡಿ ಜಿಲ್ಲೆ ಬೆಳಗಾವಿಯಲ್ಲಿ ಸೋಂಕಿತರ ಸಂಖ್ಯೆ ‌85ಕ್ಕೆ‌ ಏರಿಕೆಯಾಗಿದೆ.

ಬೆಳಗಾವಿ ‌ತಾಲೂಕಿನ‌ ಹಿರೇಬಾಗೇವಾಡಿ ‌ಗ್ರಾಮದ 10 ಜನರಲ್ಲಿ ಹಾಗೂ ರಾಯಭಾಗ ತಾಲೂಕಿನ ಕುಡಚಿ ಪಟ್ಟಣದ ಓರ್ವರಲ್ಲಿ ಸೋಂಕು ದೃಢಪಟ್ಟಿದೆ. ಪೆ.547 ಸೋಂಕಿತನೊಂದಿಗೆ ಸಂಪರ್ಕ ಹೊಂದಿದ್ದ ನಾಲ್ವರಿಗೆ, ಪೆ.552 ಸೋಂಕಿತ ವ್ಯಕ್ತಿಯೊಂದಿಗೆ ಸಂಪರ್ಕ ಹೊಂದಿದ್ದ ಇಬ್ಬರಿಗೆ, ಪೆ.485 ಸೋಂಕಿತ ವ್ಯಕ್ತಿಯೊಂದಿಗೆ ಸಂಪರ್ಕ ಹೊಂದಿದ್ದ ಇಬ್ಬರಿಗೆ, ಪೆ. 448, 539 ಹಾಗೂ 575 ಸೋಂಕಿತರೊಂದಿಗೆ ಸಂಪರ್ಕ ಹೊಂದಿದ ಮೂವರಿಗೆ ಸೋಂಕು ದೃಢಪಟ್ಟಿದೆ.

ದೆಹಲಿಯ ಧರ್ಮಸಭೆಯಲ್ಲಿ ಪಾಲ್ಗೊಂಡು ಬಂದಿದ್ದ ಸೋಂಕಿತರ ಜತೆಗೆ ಈ ಎಲ್ಲರೂ ಸಂಪರ್ಕ ಹೊಂದಿದ್ದಾರೆ. ಬೆಳಗಾವಿ ತಾಲೂಕಿನ ‌ಹಿರೇಬಾಗೇವಾಡಿ ಒಂದೇ ಗ್ರಾಮದಲ್ಲಿ ಸೋಂಕಿತರ ಸಂಖ್ಯೆ 47ಕ್ಕೆ ಏರಿಕೆಯಾಗಿದೆ. ಇನ್ನು ರಾಯಭಾಗ ಪಟ್ಟಣದಲ್ಲಿ ಸೋಂಕಿತರ ಸಂಖ್ಯೆ 22ಕ್ಕೆ ಏರಿಕೆಯಾಗಿದೆ.