ಕಂಟೇನ್ಮೆಂಟ್​​​​​​ ಝೋನ್​ನಲ್ಲೂ ಜನ ಸೇರಿಸಿ ಸಭೆ ಮಾಡಿದ ಶಾಸಕ ಜಮೀರ್

ಪಾದರಾಯನಪುರ ವಾರ್ಡ್​ ಸೀಲ್​ ಡೌನ್​ ಮಾಡಿ, ಯಾರೊಬ್ಬರೂ ಹೊರಗೆ ಬರದಂತೆ ಪಾಲಿಕೆ ಕ್ರಮವಹಿಸಿದ್ದರೂ, ಶಾಸಕ ಜಮೀರ್​ ಅಹಮದ್​ ಜನರನ್ನು ಸೇರಿಸಿ ಸಭೆ ನಡೆಸಿದ್ದಾರೆ.

ಬೆಂಗಳೂರು:ಕಂಟೇನ್ಮೆಂಟ್​​​ ಝೋನ್​ನಲ್ಲಿರುವ ಪಾದರಾಯನಪುರದಲ್ಲಿ ಶಾಸಕ ಜಮೀರ್ ಅಹ್ಮದ್ ಜನರನ್ನು ಸೇರಿಸಿ ಸಭೆ ನಡೆಸಿದ್ದಾರೆ. ಇದೀಗ ಚರ್ಚೆಗೆ ಗ್ರಾಸ ಒದಗಿಸಿದೆ.

ಪಾದರಾಯನಪುರ ವಾರ್ಡ್​ನಲ್ಲಿ ಈಗಾಗಲೇ 33 ಕೊರೊನಾ ಪ್ರಕರಣ ಪಾಸಿಟಿವ್ ಬಂದ ಹಿನ್ನೆಲೆ ಕಂಟೇನ್ಮೆಂಟ್​​ ಝೋನ್ ಮಾಡಿ, ಯಾರೊಬ್ಬರೂ ಮನೆಯಿಂದ ಹೊರಬಾರದಂತೆ ಪಾಲಿಕೆ ಕ್ರಮ ಕೈಗೊಂಡಿದ್ದರೂ ಶಾಸಕ ಜಮೀರ್​ ಅಹಮದ್​ ಇಂದು ಅಲ್ಲಿನ ವಾರ್ಡ್ ಕಚೇರಿಯಲ್ಲಿ ಸ್ಥಳೀಯರೊಂದಿಗೆ ಸಭೆ ನಡೆಸಿದ್ದಾರೆ.

ಸಭೆಯಲ್ಲಿ ನೂರಾರು ಮಂದಿ ಭಾಗಿಯಾಗಿದ್ದು, ಸಾಮಾಜಿಕ ಅಂತರವನ್ನೂ ಕಾಪಾಡದೇ ಲಾಕ್​ಡೌನ್​ ನಿಯಮಗಳನ್ನು ಗಾಳಿಗೆ ತೂರಿದ್ದಾರೆ ಎಂಬ ಆರೋಪ ಕೇಳಿ ಬಂದಿದೆ.