ಜನರನ್ನು ತುಂಬಿಕೊಂಡು ನೇಪಾಳದತ್ತ ಹೊರಟಿದ್ದ ಬಸ್ ಪೊಲೀಸ್ ವಶ

60 ರಿಂದ 70 ಜನರನ್ನು ತುಂಬಿಕೊಂಡು ನೇಪಾಳದ ಗಡಿಯ ಕಡೆಗೆ ಹೊರಟಿದ್ದ ಬಸ್​ ಹಾಗೂ ನಗರದಲ್ಲಿ ಖಾಕಿ ಕಣ್ಣು ತಪ್ಪಿಸಿ ಸಂಚರಿಸುತ್ತಿದ್ದ ಮೂರು ಬಸ್‌ಗಳು​ ಸೇರಿ ಒಟ್ಟು ನಾಲ್ಕು ಬಸ್​ಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಬೆಂಗಳೂರು: ಸಿಲಿಕಾನ್ ಸಿಟಿಯ ಆರ್​ಟಿಒ ಅಧಿಕಾರಿಗಳು ಯಲಹಂಕದಲ್ಲಿ ಬಸ್​ಗಳ ಮೇಲೆ ದಾಳಿ ಮಾಡಿದ್ದು, ನಗರದಲ್ಲಿ ಖಾಕಿ ಕಣ್ಣು ತಪ್ಪಿಸಿ ಸಂಚರಿಸುತ್ತಿದ್ದ ನಾಲ್ಕು ಬಸ್​ಗಳನ್ನು ವಶಕ್ಕೆ ಪಡೆದಿದ್ದಾರೆ.

ನೇಪಾಳದ ಗಡಿಯ ಕಡೆಗೆ 60 ರಿಂದ 70 ಜನರನ್ನು ತುಂಬಿಕೊಂಡು ಹೊರಟಿದ್ದ ಒಂದು ಬಸ್ ಸೇರಿದಂತೆ ನಗರದ ಬೀದಿಗಳಲ್ಲಿ ನಿಯಮ ಮೀರಿ ಓಡಾಡುತ್ತಿದ್ದ ಒಟ್ಟು ನಾಲ್ಕು ಬಸ್​ಗಳನ್ನು ವಶಪಡಿಸಿಕೊಂಡಿದ್ದಾರೆ. ಒಂದೇ ಹೆಸರಿನಲ್ಲಿ 34 ಬಸ್ ಸಂಚಾರ ನೆಡೆಸುತ್ತಿರುವುದು ಕೂಡಾ ಇದೇ ವೇಳೆ ಬೆಳಕಿಗೆ ಬಂದಿದೆ.

ಆರ್‌ಟಿಒ ಅಧಿಕಾರಿಗಳು ವಶಕ್ಕೆ ಪಡೆದಿರುವ ಬಸ್​ಗಳನ್ನು ಯಲಹಂಕ ಪೊಲೀಸರಿಗೆ ಒಪ್ಪಿಸಿದ್ದಾರೆ.