ಬೆಂಗಳೂರಿನಲ್ಲಿ ಮಹಿಳಾ ದಿನಾಚರಣೆ ಕಲರವ ಹೇಗಿತ್ತು ಗೊತ್ತಾ!? ವಿಡಿಯೋ

ವಿಶ್ವ ಮಹಿಳಾ ದಿನಾಚರಣೆಯನ್ನು ನಾರಿಯರು ಸಂಭ್ರಮ ಮತ್ತು ಸಡಗರದಿಂದ ಆಚರಿಸಿದರು. ಅದರ ಒಂದು ಝಲಕ್​ ಹೀಗಿದೆ.

ಬೆಂಗಳೂರು :ಅಂತಾರಾಷ್ಟ್ರೀಯ ಮಹಿಳಾ ದಿನವನ್ನು ಬೆಂಗಳೂರಿನಲ್ಲಿ ಆಚರಣೆ ಮಾಡಲಾಯಿತು. ಅಂತಾರಾಷ್ಟ್ರೀಯ ಮಹಿಳಾ ದಿನವನ್ನು ಬೆಂಗಳೂರು ಮೆಟ್ರೋ ರೈಲು ನಿಗಮವು ನಿನ್ನೆ ಕಾರ್ಪೊರೇಟ್ ಕಚೇರಿಯಲ್ಲಿ ಆಚರಿಸಲಾಯಿತು. ಈ ಕಾರ್ಯಕ್ರಮದಲ್ಲಿ ಬಿಎಂಆರ್‌ಸಿಎಲ್‌ನ ವ್ಯವಸ್ಥಾಪಕ ನಿರ್ದೇಶಕರಾದ ಅಜಯ್ ಸೇಥ್, ಇನ್ನು ಈ ಸಂದರ್ಭಲ್ಲಿ ಮುಖ್ಯ ಅತಿಥಿಯಾಗಿ M/s ಯುನಿಕ್ ಕನ್ಸಲ್ಟೆಂಟ್‌ನ ಹಿರಿಯ ಅಧ್ಯಾಪಕರಾಗಿ ಕಾರ್ಯ ನಿರ್ವಹಿಸುತ್ತಿರುವ ಪದ್ಮ ಹೇಮಂತ್‌ ಭಾಗವಹಿಸಿದರು.

ಈ ವೇಳೆ ಮಾತನಾಡಿದ‌ ನಿರ್ದೇಶಕ ಆಜಯ್ ಸೇಥ್ ಮಹಿಳಾ ಉದ್ಯೋಗಿಗಳನ್ನು ಉದ್ದೇಶಿಸಿ ಮಾತನಾಡುತ್ತಾ, ಮಹಿಳಾ ದಿನಾಚರಣೆಯನ್ನು ಒಂದು ದಿನಕ್ಕೆ ಸೀಮಿತಗೊಳಿಸದೇ ನಿರಂತರವಾಗಿರಬೇಕು. ಮಹಿಳೆಯರು ನಿಗಮದ ಉನ್ನತ ಹುದ್ದೆಗಳಲ್ಲಿ ಕಾರ್ಯ ನಿರ್ವಹಿಸಬೇಕು ಎಂದು ಹೇಳಿದರು.

ಇನ್ನು ಅಥಿತಿ ಪದ್ಮ ಹೇಮಂತ್ ಕಿತ್ತೂರು ರಾಣಿ ಚೆನ್ನಮ್ನ ಪ್ರಶಸ್ತಿ ಸೇರಿದಂತೆ ಅನೇಕ ಪ್ರಶಸ್ತಿಗಳನ್ನು ಪಡೆದ್ದಿದ್ದು, ಅಪಾರ ಅನುಭವವನ್ನು ಹೊಂದಿದ್ದಾರೆ. ವಿವಿಧ ಕಾಲೇಜು, ಸಂಸ್ಥೆಗಳಿಗೆ ವಿವಿಧ ವಿಷಯಗಳ ಬಗ್ಗೆ ತರಬೇತಿ ಕಾರ್ಯಕ್ರಮಗಳನ್ನ ನಡೆಸಿಕೊಟ್ಟಿದ್ದಾರೆ.

ಆಟದಲ್ಲಿ ತೊಡಗಿದ ಆಸ್ಪತ್ರೆಯ ಮಹಿಳಾ ಸಿಬ್ಬಂದಿ

ಮನೆಯಿಂದ ಹೊರಟು ಡ್ಯೂಟಿ ರಿಪೋರ್ಟ್ ಮಾಡಿಕೊಂಡರೆ ಮುಗಿತು, ರೋಗಿಗಳ ತಪಾಸಣೆ, ಔಷಧ ಕೊಡೋದು, ವೈದ್ಯಕೀಯ ತ್ಯಾಜ್ಯ ನಿರ್ವಹಣೆ ಮಾಡೋದು ಹೀಗೆ ಆಸ್ಪತ್ರೆಯಲ್ಲೇ ದಿನಕಳೆಯುವ ವೈದ್ಯಕೀಯ-ವೈದ್ಯಕೀಯೇತ್ತರ ಸಿಬ್ಬಂದಿ ನಿನ್ನೆ ತಮ್ಮ‌ ಬಿಡುವಿನ‌ ವೇಳೆ ವಿಶೇಷವಾಗಿ ಮಹಿಳಾ ದಿನವನ್ನ ಆಚರಿಸಿದರು. ಕೈಯಲ್ಲಿ ಸ್ಟೆತೋಸ್ಕೋಪ್ ಹಿಡಿಯುತ್ತಿದ್ದ ವೈದ್ಯರು, ಚೂಜಿ ಹಿಡಿಯುತ್ತಿದ್ದ ನರ್ಸ್ ಗಳು, ಸ್ವಚ್ಛ ಕಾರ್ಯದಲ್ಲಿ ಮಗ್ನರಾಗುತ್ತಿದ್ದ ಡಿ ಗ್ರೂಪ್ ನೌಕಕರು ಎಲ್ಲರೂ ಆಟ - ಹರಟೆಯಲ್ಲಿ ಮೈ ಮರೆತು ಹೋಗಿದ್ದರು.

ನಗರದ ಪ್ರತಿಷ್ಠಿತ ವಾಣಿವಿಲಾಸ್ ಆಸ್ಪತ್ರೆಯಲ್ಲಿ ಮಹಿಳಾ ಸಿಬ್ಬಂದಿಗಳಿಗಾಗಿ ರಂಗೋಲಿ ಸ್ಪರ್ಧೆ, ಮ್ಯುಸಿಕಲ್ ಚೇರ್, ಡಬ್ ಶರ್ಟ್ಸ್, ಅಂತ್ಯಾಕ್ಷರಿ ಸೇರಿದಂತೆ ಹಲವು ಸ್ಪರ್ಧೆಗಳನ್ನ ಏರ್ಪಡಿಸಲಾಗಿತ್ತು. ಬರೋಬ್ಬರಿ ಒಂದು ವರ್ಷದಿಂದ ಅಲ್ಲಿ- ‌ಇಲ್ಲಿ ಎಲ್ಲೂ ಅಲ್ಲಾಡದೇ ಕೇವಲ ಕೋವಿಡ್ ಕೆಲಸದಲ್ಲೇ ಮುಳುಗಿದ್ದವರಿಗೆ ಮಹಿಳಾ ದಿನವೂ ವಿಶೇಷವಾಗಿತ್ತು. ಒತ್ತಡದಲ್ಲಿ ಇದ್ದವರು ತಮ್ಮ ಸಹೋದ್ಯೋಗಿಗಳೊಂದಿಗೆ ಖುಷಿಯಿಂದ ಆಟವನ್ನ‌ಆಡುತ್ತಾ ಒಬ್ಬರಿಗೆ ಒಬ್ಬರು ಕಾಲಳೆದುಕೊಳ್ಳುತ್ತಾ ಮಜಾ ಮಾಡಿದರು.

ಹಲವಾರು ಕಾಲೇಜುಗಳಲ್ಲಿ ಮಹಿಳಾ ದಿನಾಚರಣೆ

ನಗರದ ಹಲವಾರು ಕಾಲೇಜುಗಳಲ್ಲಿ ಮಹಿಳಾ ದಿನಾಚರಣೆಯ ನಿಮಿತ್ತ ವಿಶೇಷ ಕಾರ್ಯಕ್ರಮಗಳನ್ನ ಹಮ್ಮಿಕೊಂಡಿದ್ದರು. ನಗರದ ಸೌತ್ ‌ಎಂಡ್ ಬಳಿಯ ಸುರಾನಾ ಕಾಲೇಜ್‌ನಲ್ಲಿ ಮಹಿಳೆಯರ ದಿನವನ್ನ ವಿದ್ಯಾರ್ಥಿಗಳೊಂದಿಗೆ ಆಚರಿಸಲಾಯಿತು.

ಈ ಕಾಲೇಜಿನಲ್ಲಿ ನಿನ್ನೆಯ ದಿನವನ್ನ ವಿಶೇಷ ಥೀಮ್‌ನೊಂದಿಗೆ ಹಮ್ಮಿಕೊಳ್ಳಲಾಗಿದ್ದು, ಮಾಧ್ಯಮದಲ್ಲಿ ಮಹಿಳೆ ಎಂಬ ಶೀರ್ಷಿಕೆಯಡಿ ಆಯೋಜಿಸಲಾಗಿತ್ತು.‌ ಕಾರ್ಯಕ್ರಮಕ್ಕೆ ಭಾರತೀಯ ವಿದ್ಯಾಭವನದ ನಿರ್ದೇಶಕ ಹೆ‌ಚ್‌.ಎನ್. ಸುರೇಶ್, ಮತ್ತು ಪತ್ರಿಕೋದ್ಯಮ ವಿಭಾಗದ ಮುಖ್ಯಸ್ಥ ಡಾ. ಎನ್‌ಎಸ್‌ ಶ್ರೀಧರ್ ಮೂರ್ತಿ ಹಾಗೂ ಮುದ್ರಣ ಮತ್ತು‌ ಎಲೆಕ್ಟ್ರಾನಿಕ್ ಮಾಧ್ಯಮ ವರದಿಗಾರರನ್ನ ಮುಖ ಅಥಿತಿಗಳಾಗಿ ಆಹ್ವಾನಿಸಲಾಗಿತ್ತು. ಇನ್ನು ಈ ವೇಳೆ ಬಂದ ವರದಿಗಾರರು ಮಾಧ್ಯಮದಲ್ಲಿ ಮಹಿಳೆಯರ ಪಾತ್ರದ ಬಗ್ಗೆ ತಮ್ಮ ಅನಿಸಿಕೆ ಹಾಗೂ ಅನುಭವಗಳನ್ನ ಹಂಚಿಕೊಂಡರು.

ಇನ್ನು ವಿದ್ಯಾ ರ್ಥಿ ಬಳಗದಿಂದ ಒಂದು ಕಿರು ನಾಕಟ‌ ಪ್ರದರ್ಶನವನ್ನ ಕೂಡ ಮಾಡಲಾಯಿತು. ಇನ್ನು ಈ ನಾಟಕದ ವಿಶೇಷತೆ ಏನೆಂದರೆ ಅತ್ಯಾಚಾರಕ್ಕೆ ಒಳಗಾದ ಹೆಣ್ಣು ಮರಣದ ನಂತರವೂ ಎಷ್ಟೆಲ್ಲಾ ಮಾನಸಿಕ‌ ನೋವು ಹಾಗೂ ಖಿನ್ನತೆಗೆ ಒಳಗಾಗುತ್ತಾಳೆ ಎಂಬುದನ್ನ ವಿದ್ಯಾರ್ಥಿಗಳು ಅದ್ಭುತವಾಗಿ ಪ್ರದರ್ಶಿಸಿದರು.

ಮಿಡ್ ನೈಟ್ ವಾಕ್ ಥಾನ್ ಆಯೋಜನೆ...

ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆ ನಿಮಿತ್ತ ನಗರದ ಬನ್ನೇರಘಟ್ಟ ರಸ್ತೆಯ ಖಾಸಗಿ ಆಸ್ಪತ್ರೆಯು ಮಹಿಳಾ ಸುರಕ್ಷತೆಯ ಕುರಿತಂತೆ ಜಾಗೃತಿ ಮೂಡಿಸುವ ನಿಟ್ಟಿನಲ್ಲಿ ಮಿಡ್ ನೈಟ್ ವಾಕ್ ಥಾನ್ ಆಯೋಜಿಸಲಾಗಿತ್ತು.

ಬನ್ನೇರಘಟ್ಟ ರಸ್ತೆಯ ರಾಯಲ್ ಮೀನಾಕ್ಷಿ ಮಾಲ್​ನಿಂದ ರೈನ್ ಬೋ ಮಕ್ಕಳ ಆಸ್ಪತ್ರೆಯವರೆಗೆ ವಾಕ್​ ಥಾನ್​ ನಡೆಯಿತು. ಈ ಕಾರ್ಯಕ್ರಮದಲ್ಲಿ ಸರ್ಕಾರಿ ಅಧಿಕಾರಿಗಳು, ಸೆಲೆಬ್ರಿಟಿಗಳು, ಉದ್ಯಮಿಗಳು ಹಾಗೂ ಸಾರ್ವಜನಿಕರು ಸೇರಿದಂತೆ ನೂರಾರು ಮಹಿಳೆಯರು ಪಾಲೊಳ್ಳುವ ಮೂಲಕ ಮಹಿಳೆಯರ ಸುರಕ್ಷತೆಯ ಅತ್ಯಗತ್ಯತೆಯನ್ನ ಸಾರಿದರು.