ಬೆಂಗಳೂರಲ್ಲಿ ದ್ರಾಕ್ಷಾರಸ ಮೇಳ: ಕಣ್ಮನ ಸೆಳೆದ ತರಹೇವಾರಿ ವೈನ್​​​

ಬೆಂಗಳೂರು ನಗರದಲ್ಲಿ ಮನಸೆಳೆದ ದ್ರಾಕ್ಷಾರಸ ಮೇಳ- ವೈನ್ ಬೋರ್ಡ್ ವ್ಯವಸ್ಥಾಪಕ ನಿರ್ದೇಶಕ ಟಿ.ಸೋಮು ಚಾಲನೆ. ರಾಜ್ಯದ ತೋಟಗಾರಿಕೆ ಇಲಾಖೆ, ಕರ್ನಾಟಕ ದ್ರಾಕ್ಷಿ ಮತ್ತು ವೈನ್ ಬೋರ್ಡ್ ಹಾಗೂ ಮಂತ್ರಿಮಾಲ್ ಸಹಯೋಗದಲ್ಲಿ ಆಯೋಜನೆ.

ಬೆಂಗಳೂರು: ರಾಜ್ಯದ ತೋಟಗಾರಿಕೆ ಇಲಾಖೆ, ಕರ್ನಾಟಕ ದ್ರಾಕ್ಷಿ ಮತ್ತು ವೈನ್ ಬೋರ್ಡ್ ಹಾಗೂ ಮಂತ್ರಿಮಾಲ್ ಸಹಯೋಗದಲ್ಲಿ ನಗರದಲ್ಲಿ ಎರಡು ದಿನಗಳ ಕಾಲ ಹಮ್ಮಿಕೊಂಡಿರುವ ದ್ರಾಕ್ಷಾರಸ ಮೇಳದಲ್ಲಿ ತರಹೇವಾರಿ ವೈನ್‌ಗಳು ವೈನ್‌ಪ್ರಿಯರನ್ನು ಆಕರ್ಷಿಸಿದೆ. ಪೈನಾಪಲ್‌ನಿಂದ ತಯಾರಿಸಿದ ವೈನ್ ಈ ಬಾರಿ ಮೇಳದ ವಿಶೇಷತೆಯಾಗಿತ್ತು.

ಮಂತ್ರಿಮಾಲ್​​ನಲ್ಲಿ ವೈನ್ ಸುಗ್ಗಿ: ಕ್ರಿಸ್‌ಮಸ್ ಮತ್ತು ಹೊಸ ವರ್ಷಾಚರಣೆ ನಂತರ ಇದೀಗ ಮಲ್ಲೇಶ್ವರದ ಮಂತ್ರಿಮಾಲ್​​ನಲ್ಲಿ ವೈನ್ ಸುಗ್ಗಿ ಆರಂಭಗೊಂಡಿದೆ. ಕರ್ನಾಟಕ ದ್ರಾಕ್ಷಿ ಮತ್ತು ವೈನ್ ಬೋರ್ಡ್ ವ್ಯವಸ್ಥಾಪಕ ನಿರ್ದೇಶಕ ಟಿ.ಸೋಮು ಹಾಗೂ ನಿರ್ದೇಶಕ ಎಸ್.ಅಭಿಲಾಷ ಕಾರ್ತಿಕ ಅವರು, ದ್ರಾಕ್ಷಾರಸ ಮೇಳಕ್ಕೆ ಶನಿವಾರ ಚಾಲನೆ ನೀಡಿದ್ದಾರೆ. ಈ ವೇಳೆ ಯುವತಿಯರು ಸ್ಥಳದಲ್ಲೇ ದ್ರಾಕ್ಷಿ ತುಳಿದು ಸಾಂಪ್ರದಾಯಿಕ ವೈನ್ ತಯಾರಿಸಿ ಸಂಭ್ರಮಿಸಿದರು.

ದ್ರಾಕ್ಷಿ ತುಳಿದು ಸಾಂಪ್ರದಾಯಿಕ ವೈನ್ ತಯಾರಿಸಿದ ಯುವತಿಯರು

17 ವೈನ್ ಕಂಪನಿ: ವೈನ್ ಬೋರ್ಡ್ ವ್ಯವಸ್ಥಾಪಕ ನಿರ್ದೇಶಕ ಸೋಮು ಮಾತನಾಡಿ, ರಾಜ್ಯದ ದಾಕ್ಷಿ ಬೆಳೆಗಾರರಿಗೆ ವೈನ್ ನೀತಿ ಜಾರಿಗೊಳಿಸಿದ ನಂತರ ಉತ್ತಮ ಬೆಲೆ ಸಿಗುತ್ತಿದೆ. ರಾಜ್ಯದಲ್ಲಿ 17 ವೈನ್ ಕಂಪನಿಗಳಿದ್ದು, 4000 ಸಾವಿರ ಎಕರೆ ಪ್ರದೇಶದಲ್ಲಿ ದಾಕ್ಷಿ ಬೆಳೆ ಬೆಳೆಯುತ್ತಿದ್ದಾರೆ. ರೆಡ್ ವೈನ್, ವೈಟ್ ವೈನ್, ರೋಸ್ ವೈನ್, ಪೈನಾಪಲ್ ವೈನ್, ಹನಿಕ್ರಷ್ ವೈನ್, ಸ್ಪಾರ್ ಲೆಗ್ ವೈನ್ ಸೇರಿದಂತೆ ವಿವಿಧ ಮಾದರಿ ವೈನ್‌ಗಳು ಮಾರುಕಟ್ಟೆಯಲ್ಲಿ ಲಭ್ಯವಿದೆ ಎಂದು ತಿಳಿಸಿದರು.

ಹೃದಯದ ಆರೋಗ್ಯಕ್ಕೆ ಪೂರಕ: ವೈನ್ ತಯಾರಕರು ಮಾತನಾಡಿ, ವೈನ್ ಸೇವನೆ ಹೃದಯದ ಆರೋಗ್ಯಕ್ಕೆ ಪೂರಕವಾಗಿದ್ದು, ಹೃದಯಾಘಾತ ತಪ್ಪಿಸಬಹುದಾಗಿದೆ. ಅದರಲ್ಲಿ ಔಷಧೀಯ ಗುಣವಿದೆ. ಆದರೆ ಮಧುಮೇಹಿಗಳು ಎಚ್ಚರಿಕೆ ವಹಿಸಬೇಕು ಎಂದು ಕಿವಿಮಾತು ಹೇಳಿದರು.

ಮೊದಲ ಬಾರಿಗೆ ವೈನ್ ಕ್ಯಾನ್ ಪರಿಚಯ: ವೈನ್ ಮೇಳದಲ್ಲಿ ಪ್ರಟೇಲಿ ವೈನ್ ಸಂಸ್ಥೆ ಬಿಯರ್ ಕ್ಯಾನ್ ಮಾದರಿಯಲ್ಲಿ ಇದೇ ಮೊದಲ ಬಾರಿಗೆ ವೈನ್ ಕ್ಯಾನ್ ಪರಿಚಯಿಸಿದೆ. ಟಿನ್ ನಲ್ಲಿ ಕ್ಲಾಸಿಕ್ ರೆಡ್, ಕ್ಲಾಸಿಕ್ ವೈಟ್, ರೋಸೆ ಮತ್ತು ಬಬ್ಲಿ ಎಂಬ ನಾಲ್ಕು ಮಾದರಿಯ ವೈನ್ ಗಳು ದೊರೆಯುತ್ತಿವೆ. ಪ್ರಟೇಲಿ ಸಂಸ್ಥೆ ಮೇಳದಲ್ಲಿ ಕ್ಯಾಬುನೆಟ್ ಪ್ರಾನ್ಸಿಸ್ ಶಿಶಿರಾಜ್ ಎಂಬ ಬ್ರ್ಯಾಂಡ್ ಸಹ ಪರಿಚಯಿಸಿದೆ.

ಪೈನಾಪಲ್ ನಲ್ಲಿ ವೈನ್: ದೊಡ್ಡಬಳ್ಳಾಪುರದ ರಿಕೋ ವೈನ್ ಪ್ರೈವೆಟ್ ಲಿಮಿಟೆಡ್ ನಿಂದ ರಿಕೋ ಪೈನಾಪಲ್ ನಲ್ಲಿ ವೈನ್ ತಯಾರಿಸಿದೆ. ಇದು ಸಂಪೂರ್ಣವಾಗಿ ಕೆಮಿಕಲ್ ರಹಿತ ವೈನ್ ಆಗಿದ್ದು, ವೈನ್ ತಯಾರಾಗಲು ಕನಿಷ್ಠ ಆರು ತಿಂಗಳು ಬೇಕಾಗುತ್ತದೆ. ವಿಕೋ ಶಿರಾಜ್ ರೆಡ್ ವೈನ್ ಸೇರಿ ಹತ್ತು ಬಗೆಯ ವೈನ್ ಬ್ರ್ಯಾಂಡ್ ಗಳನ್ನು ಬಿಡುಗಡೆ ಮಾಡಿದೆ.

ಲವಂಗ ಫ್ಲೇವರ್ ಸೀಬೆಕಾಯಿ ವೈನ್: ಬಿಡದಿ ವ್ಯಾಲಿ ಬ್ರೆವರೇಜ್ ಪ್ರವೈಟ್ ಲಿಮಿಟೆಡ್ ವೈಟ್ ಮತ್ತು ರೆಡ್ ವೈನ್ ಅನ್ನು ಏಲಕ್ಕಿ ಪ್ಲೇವರ್ ನಲ್ಲಿ ವೈನ್ ತಯಾರಿಸಲಾಗಿದೆ. ಇದೇ ರೀತಿ ದ್ರಾಕ್ಷಿಯಲ್ಲಿ ಲವಂಗ ಪ್ಲೇವರ್ ನಲ್ಲಿ ವೈನ್ ತಯಾರಿಸಲಾಗಿದೆ. ನಂದಿ ವ್ಯಾಲಿ ವೈನರಿ ಕಿಣ್ವಾ ವೈನ್ ಸಂಸ್ಥೆ ಸೀಬೆಕಾಯಿಯಿಂದ ವೈನ್ ತಯಾರಿಸಿದ್ದು, ಇದು ಕೂಡ ಮತ್ತೊಂದು ವಿಶೇಷ.

ಇದನ್ನೂ ಓದಿ:ಉಣಕಲ್ ಸಿದ್ದಪ್ಪಜ್ಜನ ದೇವಸ್ಥಾನಕ್ಕೆ ಸಿಎಂ ಬೊಮ್ಮಾಯಿ ಭೇಟಿ, ವಿಶೇಷ ಪೂಜೆ ಸಲ್ಲಿಕೆ