ಬೆಂಗಳೂರು:ನಗರದ ಬ್ಯಾಪ್ಟಿಸ್ಟ್ ಆಸ್ಪತ್ರೆಯಲ್ಲಿ ನಾನ್ ಪ್ರಾಫಿಟ್ ಕಮ್ಯುನಿಟಿ ರಿಸೋರ್ಸ್ ಸೆಂಟರ್ ನಿಂದ , ಗಿವನ್ ಟು ಗೀವ್ಎಂಬ ಬರಹದೊಂದಿಗೆ ಹೊಸದೊಂದು ಕೇಂದ್ರ ಆರಂಭಿಸಿದ್ದು, ಇದರ ಮೂಲಕ ಒಮ್ಮೆ ಉಪಯೋಗಿಸಿದ ಹೆಲ್ತ್ ಕೇರ್ ಉಪಕರಣಗಳನ್ನ ಮೂಲೆ ಸೇರಿಸದೇ, ಅದು ಮತ್ತೊಬ್ಬರ ಬಳಕೆಗೆ ಸಹಾಯವಾಗುತ್ತೆ ಎಂಬುದನ್ನ ತಿಳಿಸಲು ಹೊರಟಿದೆ.
ಈ ಕೇಂದ್ರದ ಉದ್ಘಾಟನೆ ಮಾಡಿ ಮಾತಾನಾಡಿದ ಟಿಸಿಎಸ್ ರನ್ನರ್ ಶಾಲಿನಿ ಸರಸ್ವತಿ ,ಯಾವ ಸಮಯದಲ್ಲಿ ಯಾರಿಗೆ ಉಪಕರಣಗಳ ಅವಶ್ಯಕತೆ ಇರುವುದೆಂದು ಹೇಳುವುದಕ್ಕೆ ಆಗದು. ಹಾಗಂತ ಎಲ್ಲರಿಗೂ ದುಬಾರಿ ಉಪಕರಣಗಳನ್ನ ಖರೀದಿಸಿ ಉಪಯೋಗಿಸಲು ಆಗುವುದಿಲ್ಲ. ಅಂತಹವರಿಗೆ ಈ ಹೊಸ ಸೇವೆ ಸಹಾಯವಾಗುತ್ತೆ ಎಂದರು. ವೀಲ್ಚೇರ್, ಏರ್ ಬೆಡ್ಸ್, ವಾಟರ್ ಬೆಡ್ಸ್, ಸ್ಟ್ರಕ್ಚರ್ಸ್, ವಾಕಿಂಗ್ ಸ್ಟಿಕ್ಸ್ ಸೇರಿದಂತೆ ಇತರ ಹೆಲ್ತ್ ಕೇರ್ ಉಪಕರಣಗಳ ಬಳಕೆಯಾದ ನಂತರ ಅದರ ಅವಶ್ಯಕತೆ ಇಲ್ಲವೆಂದರೆ ಜನರು ಇವುಗಳನ್ನ ನೀಡಬಹುದಾಗಿದೆ. ಈ ಮೂಲಕ ಅವಶ್ಯಕತೆ ಇರುವ ವ್ಯಕ್ತಿ ಈ ಉಪಕರಣಗಳನ್ನ ಬಳಸಿಕೊಂಡು ಪುನಃ ಕೇಂದ್ರಕ್ಕೆ ನೀಡಬಹುದು. ಅಷ್ಟೇ ಅಲ್ಲದೇ, ಉಪಕರಣಗಳ ದಾನವನ್ನೂ ಮಾಡಬಹುದು ಅಂತಾರೆ ಬೆಂಗಳೂರು ಬ್ಯಾಪ್ಟಿಸ್ಟ್ ಆಸ್ಪತ್ರೆಯ ನಿರ್ದೇಶಕರಾದ ನವೀನ್‌ ಥಾಮಸ್..
ಸಲಕರಣೆಗಳ ಅವಶ್ಯಕತೆ ಇರುವವರು 9481456618 ಈ ಸಂಖ್ಯೆಗೆ ಕರೆ ಮಾಡಿ ಮಾಹಿತಿ ಪಡೆಯಬಹುದಾಗಿದೆ. ಇನ್ನು ಈ ಉಪಕರಣಗಳ ನಿರ್ವಹಣೆ ಸಲುವಾಗಿ ಮಾತ್ರ ಶುಲ್ಕವಿರಲಿದೆ. ಒಂದು ವೇಳೆ ಕೊಂಡುಕೊಳ್ಳಲು ಆಗದೇ ಇದ್ದರೂ ಉಚಿತವಾಗಿ ಪಡೆಯಬಹುದು, ಜೊತೆಗೆ ಠೇವಣಿ ಇಟ್ಟು ಉಪಕರಣ ಉಪಯೋಗಿಸುವ ಸೇವೆಯೂ ಇದೆಯಂತೆ.
