ನಾನಾ? ನೀನಾ?: ಒಂಟಿ ಸಲಗಕ್ಕೆ ಗೂಳಿ ಗುಟುರು, ಕಾಲ್ಕಿತ್ತ ಗಜರಾಯ!

ತಮಿಳುನಾಡು ಹಾಗೂ ಆನೇಕಲ್ ಗಡಿಯ ಗ್ರಾಮವೊಂದರಲ್ಲಿ ಕಾಡಾನೆಗೆ ಗೂಳಿಯೊಂದು ಗುಟುರು ಹಾಕಿದ ವಿಡಿಯೋ ಎಲ್ಲೆಡೆ ವೈರಲ್​ ಆಗುತ್ತಿದೆ.

ಆನೇಕಲ್​: ಕಣ್ಣೆದುರು ದೈತ್ಯ ಕಾಡಾನೆ. ಆದರೂ ಹೆದರದ ಗಟ್ಟಿ ಗುಂಡಿಗೆಯ ಗೂಳಿ. ಗುಟುರು ಹಾಕಿ ಕಾಲು ಕೆದರಿ ನೀನಾ? ನಾನಾ? ಎಂದು ತೊಡೆ ತಟ್ಟಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುತ್ತಿದೆ.

ಕಾಡಂಚಿನಲ್ಲಿ ಸಹಜವಾಗಿ ಮಾನವ-ವನ್ಯ ಜೀವಿಗಳ ಸಂಘರ್ಷ ಆನೇಕಲ್ ಸುತ್ತಮುತ್ತ ಸರ್ವೇ ಸಾಮಾನ್ಯ ಎಂಬಂತಿದೆ. ಆನೇಕಲ್​ನ ಕಾಡಂಚಿನ ಗ್ರಾಮವೊಂದರಲ್ಲಿ ನಾಡಿಗೆ ಬಂದ ಒಂಟಿ ಸಲಗಕ್ಕೆ ಗೂಳಿಯೊಂದು ಸವಾಲು ಹಾಕಿದ ದೃಶ್ಯವಿದು.

ತಮಿಳುನಾಡು ಹಾಗೂ ಆನೇಕಲ್ ಗಡಿಗೆ ಹೊಂದಿಕೊಂಡಂತಿರುವ ಡೆಂಕಣಿಕೋಟೆಯ ಭಾಗದ ಕಾಡಂಚಿನ ಹಳ್ಳಿಗೆ ನುಗ್ಗಲು ಯತ್ನಿಸಿದ ಸಲಗಕ್ಕೆ ಗುಟುರು ಹಾಕಿ ಕಾಲ್ಕೀಳುವಂತೆ ಮಾಡಿದೆ ಈ ಗೂಳಿ.